इटहरीमा एक होटलका कामदार सहित ८ जनामा कोरोना संक्रमण पुष्टि

इटहरी । इटहरीको एक होटलमा काम गर्ने कामदार सहित इटहरीमा शनिबार ८ जनामा कोरोना संक्रमण पुष्टि भएको छ ।

इटहरी स्थित हिरा होटलमा कार्यरत ४० वर्षिय पुरुषमा कोरोना संक्रमण पुष्टि भएको छ भने एरिना टेलिभिजनका सञ्चारकर्मी २४ वर्षिय पुरुष, इटहरी ९ का १ जना २९ वर्षिय महिला, इटहरी १३ का १ जना ४१ वर्षिय पुरुष, शसस्त्र प्रहरी वल पकली का ३ जना र कोशी अस्पतालमा जाँच गरेका इटहरी १७ का १ जना ४५ वर्षिय महिला रहेका छन । 

 इटहरी उपमहानगर अन्तरगत स्वास्थ्य शाखाका अनुसार भदौ १५ गते अघि बेग्ला बेग्लै मितिमा गरिएको पिसिआर परिक्षणबाट प्राप्त रिपोर्ट अनुसार शनिबार बिहान ८ जना थपिएका हुन ।

यो संगै इटहरीमा कोरोनाबाट संक्रमित हुनेहरूको संख्या २ सय ३१ पुगेको छ ।

यता हिरा होटलमा कार्यरत पुरूषमा कोरोना पुष्टि भए पछि तत्काल होटल बन्द गराउन सञ्चालकलाइ अनुरोध गरिएको छ । साथै होटलमा कार्यरत संक्रमितको सम्पर्कमा आएका ब्यक्तिहरूलाइ तत्काल पिसिआर परिक्षण गरी होम क्वारेन्टाइनमा बस्न आग्रह गरिएको छ ।