_1693980289.gif "#")
वराहक्षेत्र । बेलका नगरपालिका र वराहक्षेत्र जोड्ने चतराघाटस्थित कोशी पुलमा बेलका प्रहरीले दादागिरी देखाउदै मास्क नलगाउने बाट पैसा असुलेर यात्रुहरु लाई दुख दिने गरेको पाइएको छ । कोभिड १९ को संक्रमण नियन्त्रण तथा बाहिर बाट बेलका प्रबेश गर्ने यात्रुहरुलाइ चेकजाँच गर्न बसेको प्रहरीको टोलिले दादागिरी शैलीमा रकम उठाउने गरेको स्थानीयको गुनासो छ । मास्क नलाएको भन्दै पुलमा ओहोर दोहोर गर्ने पैदल यात्रु लाई जरीवना लिने तर चिनजान भएको मोटरबाइक र चार चक्के गाडीलाई निर्वाध आउजान गर्न दिने गरेको यात्रुहरुको आरोप छ ।
प्रहरीको ज्यादतीमा पत्रकार सन्तोष गुप्ता पनि परेका छन् । कोशीपुल स्थित ढाटमा प्रहरीले दादागिरी शैलीमा जरीवाना असुलेको गुप्ताले बताए । नगरपालिकाको रंगमहल स्थित प्रेस युनियन तथा ग्रामीण पत्रकार समुहको टोलि कार्यक्रममा वाट चतरा फर्कदै गर्दा ढाटमा खटिएका हवल्दार केएन कोईराला र प्रहरी जवान युवराज राईले, मास्क नलगाउन छुटेकाले मास्क लगाउदा पनि जबरजस्ती बिल काट्ने गरेको बताए ।
संक्रामक रोग ऐन २०२० को दफा ३ संग सम्बन्धित उल्लेख भएको जिल्ला प्रशासन कार्यलय उदयपुरको नगदि रसिदमा जवरजस्ती एक सय रुपैया कटाएको गुप्ताले बताए । मुखमा कपडाले छोपेको भएपनि महिला र बच्चा लाई समेत जरिवाना तिराईएको उनले बताए । उनले भने, `मास्क नलगाई खुल्लम खुल्ला उदयपुर जादै गरेको बोलोरेको गाडी तथा सोमवारे वाट आएको मोटरबाइकलाई भने जरीवाना नलिई त्यसै जान दियो।´
विरोध गर्दा प्रहरीले उल्टै हप्कीदप्की गरेको उनले बताए । पुलमा चिनजान भएको लाई केही नगर्ने तर सर्वसाधारण लाई भने मास्क नलगाएको बाहानामा दुख दिने गरेको स्थानीयले गुनासो गरेका छन् ।
