वीपीमा १० वर्षिय बालिकाको अण्डाशयमा भएको ट्युमरको दुर्लभ शल्यक्रिया

धरान । पाठेघरको दुवै अण्डाशयको ट्युमर देखिएको १० वर्षिय बालिकाको दुरबिन प्रविधिबाट शल्यक्रिया गरिएको छ ।
बीपी कोइराला स्वास्थ्य विज्ञान प्रतिष्ठान धरानमा पहिलो पटक एक १० बर्षीया बालिकाको (ओभरी) अण्डाशयमा भएको सफलतापुर्वका शल्यक्रिया गरिएको हो ।

डा. अजय अग्रवाल र डा. मदन खड्का को टोलीले सफल शल्यक्रिया गरेका हुन् ।
एक हप्ता अगाडि पेटको समस्या लिएर प्रतिष्ठान आएकी बालिकाको सिटी स्क्यान गर्दा उनको पाठेघरको दुवै अण्डाशयको १०ह१५ सिएम को ट्युमर रहेको पुष्टि भएको थियो ।

यस लगत्तै बिरामीलाई अप्रेसनको मिति तय गरेर दूरबिन प्रविधिबाट अप्रेसनको सल्लाह दिएको थियो । बालिका सानो भएकोले चिरेर शल्यक्रिया गर्दा दाग देखिने र जोखिम पनि हुने भएकोले १० वर्षीय बालिकामा प्रतिष्ठानमा पहिलो पटक दुर्लभ शल्यक्रिया गरिएको र सम्भवतः देशकै पहिलो पनि हुन सक्ने डा. अजय अग्रवालले बताए ।

प्रतिष्ठानमा यस किसिमको शल्यक्रिया बच्चामा भएको छैन । दूरबिन प्रविधि वाट गरिने शल्यक्रिया सामान्य तय महँगो हुने गर्दछ । बालिकाको अवस्था सुधारोन्मुख रहेको छ र आइतबार डिस्चार्ज हुने शल्यक्रियामा संलग्न डा. अजय अग्रवालले बताए ।