संक्रमितको संख्या बढेपछि इटहरीको ६ र ९ वडा शिल गर्ने उपमहानगरको निणर्य

ईटहरी/ समुदाय स्तरमा कोरोना संक्रमण फैलदै गएपछि ईटहरी उपमहानगरपालिकाले धेरै संक्रतिम भेटिएका वडा ६ र ९ शिल गर्ने निर्णय गरेको छ ।

ईटहरी उपमहानगरका नगरप्रमुख द्वारिकलाल चौधरीको अध्यक्षतामा बसेको बैठकले यस्तो निणर्य गरेको हो ।
वडा नम्वर ६ र ९मा कोरोना संक्रमितहरुको संख्या वढिरहेकाले शिल गर्ने निर्णय गरिएको बैठकमा सहभागी वडा नम्वर ६ का अध्यक्ष दिपक गौतमले वताए ।

शिल गरिएका वडामा अत्यावश्यक सेवा र पसल वाहेक सवै सेवा र हिडडुल पूर्ण रुपमा वन्द गर्ने निर्णय भएको छ ।

इटहरी उपमहानगरका जनस्वास्थ्य नीरिक्षक धनश्याम सिग्देलका अनुसार वडा नम्वर ६ मा १० जना र वडा नम्वर ९ मा ८जना संक्रमित छन ।