_1693980289.gif "#")
भोजपुर । अन्य जिल्लाबाट भोजपुर फर्किएका ३ जना प्रहरीमा कोरोना संक्रमण देखिएको छ । भदौ २ गते विराटनगरबाट सरुवा भएर भोजपुर पुगेका उनीहरुमा कोरोना संक्रमण पुष्टि भएको हो ।
संक्रमण हुनेमा सप्तरीका २० वर्षीय पुरुष, मोरङका २६ वर्षीय पुरुष र धनकुटाका २५ वर्षीय पुरुष प्रहरी रहेका छन् । उनीहरुलाई जिल्ला प्रवेश गर्नु पूर्व अरुण गाउँपालिका–६ जरायोटारमा निर्माण गरिएको होल्डिङ एरियामा राखिएको थियो । होल्डिङ एरियामा राखेर पिसिआर परिक्षण गरिएकोमा रिपोर्ट पोजेटिभ आएको सहायक प्रमुख जिल्ला अधिकारी रामप्रसाद लुईटेलले बताए ।
बुधबार उनिहरुसहित जरायोटारको होल्डिङ एरियामा रहेका ३० जना र अस्पतालका स्वास्थ्यकर्मी, विदामा गएर फर्कीएका कर्मचारी, पत्रकार, सवारी चालक गरी ६८ जनाको नमूना संकलन गरी परीक्षणका लागि विपि कोइराला स्वास्थ्य विज्ञान प्रतिष्ठान धरान पठाइएकोमा ३ जनाको रिपोर्ट पोजेटिभ आएको हो ।
