सेनिटाईज गर्दै इटहरी ९ का टोलवासी

इटहरी । समुदाय स्तरमा कोरोना संक्रमण फैलिए थाले पछि थप सुरक्षा सतर्कता अपनाउदै इटहरी वार्ड नं ९ का अस्पताल टोलवासीले आफ्नै पहलमा शुक्रबार सेनिटाइज गरेका छन् ।

अस्पताल टोल बिकास समितिको अगुवाइमा संक्रमणबाट जोखिम रहेको वार्ड नं ९को मुख्य स्थानहरूमा सेनिटाइज गरिएको हो । आफ्नो गाउलाइ संक्रमणबाट जोगाउन वडाका मुख्य चौकहरूमा अत्याधुनिक प्रविधिद्वारा सेनिटाइज गरिएको अस्पताल टोल बिकास समितिका अध्यक्ष बिजय केसीले बताए ।

गाउमा कोरोना संक्रमणको जोखिम बढदै गएपछि स्थानीयहरूको सल्लाहमा थोरै रकम उठाएर संक्रमित बसेका स्थान र ९ नं वार्डका मुख्य स्थानहरूमा (सोडीयम हाइड्रोक्लोराइड) द्वारा सेनिटाइज गर्ने निर्णय बमोजिम शुक्रबार सेनिटाइज गरिएको हो ।

हाल वडामा ४ जना संक्रमितहरू रहेका छन । संक्रमितहरूको घर घर पुगेर सेनिटाइज गरिएको थियो । त्यस्तै वडा नं ९ कै भिडभाड हुने स्थानहरू, चिया पसल लगायतका ठाउहरूमा पनि सेनिटाइज गरिएको थियो ।

कोरोनाको महामारीबाट आक्रान्त भइरहेको बेला इटहरी वार्ड नं ९ का युवाहरूले थालेको अभियानबाट सिक्दै उपमहानगरले पनि संक्रमणबाट जोखिम मानिएका स्थानहरूमा तत्काल सेनिटाइज गर्नु पर्ने उद्योग वाणीज्य संघ इटहरीका वरिष्ठ उपाध्यक्ष दिवश पोख्रेलले बताए ।