विराटनगर । विराटनगरमा होम आईसोलेसनमा रहेका एक संक्रमित पुरुषको मृत्यु भएको छ । विराटनगर–६ सरोचियाका ती पुरुषमा श्वास प्रश्वास सम्बन्धी समस्या देखिएको थियो ।
वडाअध्यक्ष विजय कामतका अनुसार गत भदौ ३ गते ती पुरुषमा कोरोना संक्रमण पुष्टि भई घरमै आईसोलेसनमा थिए । उनका दीर्घरोग रहेको बताइएको छ ।
कोरोना विशेष अस्पतालहरुमा बेड खाली नहुँदा विराटनगरमा ३ सय ४१ जना संक्रमित होम आईसोलेसनमा रहेको महानगरले जनाएको छ । योसंगै विराटनगरमा कोरोना ९ जना संक्रमितको मृत्यु भएको छ ।
