विराटनगर । विरानगरमा कोरोना संक्रमितको संख्या तीन सय हाराहारी पुगेको छ । परीक्षण गरिएका थप नमूनारको रिपोट प्राप्त भएपछि संक्रमितको आँकडा बढ्दै गएको हो । विराटनगरमा थप २२ जनामा कोरोना भाइरसको संक्रमण पुष्टि भएको छ ।
विराटनगर–९ का ११ जनासहित थप २२ जनामा कोरोना देखिएको विराटनगर महानगरपालिकाको जनस्वास्थ्य महाशाखाले जनाएको छ ।
विराटनगरमा पछिल्लो पटक थपिएका संक्रमितसंगै अबको संखया २ सय ७८ पुगेको छ । आइतबार थप रिर्पोट आउने बताइएको छ ।
महानगरको जनस्वास्थ्य महाशाखा प्रमुख रमेश कार्कीले परीक्षण बढेसंगै संक्रमित संख्या पनि थपिन थालेको जानकारी दिएका छन् । विराटनगरमा कोरोनाबाट ३ जनाको मृत्यु भएको छ । ४३ जना रोग ठिक भई डिस्चार्ज भएका छन् ।
