_1693980289.gif "#")
धरान । कोरोना संक्रमण बढ्दै गए पछि धरान उपमहानगरपालिका समुदाय स्तरमै कोरोना परिक्षण मंगलबार देखि शुरु गरेको छ ।
पछिल्लो समय कन्ट्रयाक्ट टे«सिङ नभएका स्थानीयहरुमा पनि कोरोना संक्रमण देखिन थाले पछि २० वटै वडामा प्रतिनिधीमुलक कोरोना परिक्षणको लागि स्वाव संकलन गर्न थालिएको हो । मंगलबार देखि धरान स्थित वीपी कोइराला स्वास्थ्य विज्ञान प्रतिष्ठानमा रहेको कोभिड अस्पताल परिषरमा स्वाव संकलन गर्न थालिएको छ । कोरोना संक्रमण देखिएका वडाहरुलाई बढी प्राथमिकतामा राखेर बढी भिडभाड हुने क्षेत्रहरुका गरि ५ सय जना स्थानीयहरुको स्वाव संकलन गरिएको धरान उपमहानगरपालिकाका जनस्वास्थ्य महाशाखा प्रमुख उमेश मेहताले बताए ।
शुरुवातमा धरानमा कोरोना संक्रमण नदेखिए पनि पछिल्लो सयम धरानमै विगत २÷३ महिना देखि बाहिर नगएकाहरुमा पनि कोरोना संक्रमण देखिन थाले पछि नगरको कार्यपालिका बैठकको निर्णय अनुसार कारोना संक्रमणको परिक्षण मंगलबार देखि शुरु गरिएको उनले बताए । उनले भने, ‘मंगलबार १ सय ५० जनाको गर्यौ, आज ३ सय ५० जना जतिको छ ।’ कारोना परिक्षण गर्न विभिन्न औषधी पसल, सब्जीपसल, बैंकका कर्मचारी, पत्रकार, व्यवसायीहरु, भाडाका सवारी साधनका चालकहरुलाई प्राथमिकता दिएको उनले बताए । स्वाव परिक्षणको रिपोर्टले धरान कतिको जोखिममा रहेको छ भन्ने निक्र्यौल हुने उनको भनाई छ ।
धरानमा १ साता भित्र २८ जनामा कोरोना संक्रमण पुष्टि भएको छ । उनीहरु सबैलाई प्रतिष्ठानको आइसोलेसनमा राखेर उपचार गराईरहेको छ । कोरोना संक्रमण बढ्दै गए पछि धरान उपमहानगरपालिका साउन २८ गते सम्मका लागि बुधबार राती देखि लागु हुने गरि लकडाउनको घोषणा गरिएको छ ।
