_1693980289.gif "#")
धरान / संखुवासभा को सिलिचोङ गाउपालिकामा गएको पहिरोले बगाउदा बिस्थापित बनेका परिवारलाइ प्रदेश १ इसाइ समाजको पहलमा संकलन भएको राहत सामग्री प्रदान गरिएको छ । गत असार २७ गते राति सङ्खुवासभाको सिलिचोङ गाउँपालिकामा १२ घर पहिराले बगाउँदा ११ जना बेपत्ता भएका छन भने एकजना को मृत्यु भएको थियो भने ८६ घर परिवार बिस्तापित भएका थिए ।
बिस्थापित परिवार लाई प्रदेश न.१ इसाई समाजको आव्हानमा क्विक रेस्क्यु टिमको सहकार्यमा कन्ड्युट टिम नेपालको सहयोग राहत बितरण गरिएको हो । सङ्खुवासभा जिल्ला इसाई समाज संयोजनमा गत बिहीवार ३ लाख रुपैया बराबरको राहत बितरण गरिएको छ । राहतमा प्रती परिवार २५ केजि चामल, फाइवर ब्ल्यान्केट बितरण गरिएको समाजका महासचिव मेहरमान ह्युज गिरिले जानकारी दिए ।
समाजले गत श्रावण १ गते २५ घर परिवारलाइ पहिरो चरणको राहत बितरण गरेको थियो । समाजले संखुवासभा का पहिरो पीडित सङ्गै गत श्रावण ५ गते तेह्रथुमको सोल्मा ढाडे स्थित भालु खोलाले बगाएर मृत्यु भएकी तेह्रथुम जिरिखिम्तिकी ३६ बर्सिय अन्जना लिम्बुको परिवारलाई समेत आर्थिक सहयोग गरेको छ । लिम्बुको परिवार लाई जिल्ला तेह्रथुम र प्रदेश १ इसाई समाजले सँयुक्त रुपमा ४० हजार रुपैया आर्थिक सहयोग गरेको समाजका अध्यक्ष विक्रम एक्त्तेन लिम्बुले जानकारी दिनु दिए ।
राहत जिल्ला सङ्खुवासभा इसाई समाजको निगारानिमा कन्डुइट टिम नेपालका संयोजक बिरेन्द्र किस्कु , समाजका अध्यक्ष बिक्रम एक्तेन लिम्बु ,उपाध्यक्ष बिनोद मुर्मु , महासचिव मेहरमन ह्युज गिरीद्वारा जिल्ला बिपद ब्याबसस्थापन समितिलाइ हस्तान्तरण गरिएको थियो ।
कार्यक्रममा समाजका अध्यक्ष लिम्बुले साहयोगि हात हरुलाई धन्यवाद दिदै समाज ले आफ्नो सामाजिक दायित्व पुरा गर्न को लागि अप्ठ्यारो मा परेकाहरुलाई सहयोग गर्दै आएको बताए । लकडाउन को समय मा पनि समाजका सकृयाता मा प्रदेश १ भरिका इसाई तथा गैर इसाईहरुलाई राहत बितरण गरेको स्मरण गर्दै आगामी दिनमा पनि यस्ता कार्यमा समाज सकृया रुपमा लाग्ने प्रतिबद्दता जनाए ।
