_1693980289.gif "#")
सुनसरी । कोरोना संक्रमणको जोखिमका कारण बन्द रहेको आन्तरिक तथा अन्तराष्ट्रिय उडान शुरु हुने भएको छ ।
कोभिड १९ को संक्रमण पछि बन्द रहेको व्यवसायिक उडान शुरु गर्न पर्यटन मन्त्रालयले साउन २१ गते आन्तरिक र भदौ १ गते बाट अन्तराष्ट्रिय उडान गर्ने प्रस्ताव पेश गरेको थियो । मन्त्रीपरिषद बैठकले दुवै क्षेत्रको उडान भदौ १ गते देखि शुरु गर्ने निर्णय गरेको हो ।
मन्त्रिपरिषद् बैठकले भदौ १ गतेदेखि आन्तरिक उडान खोल्ने गरी गृहकार्य गर्न पर्यटन तथा नागरिक उड्डयन मन्त्रालयलाई निर्देशन दिने निर्णय गरेको छ ।
त्यस्तै मनित्रपरिषद् बैठकले अहिलेको लकडाउनलाई अझै खुकुलो बनाउने निर्णय पनि गरेको छ । पछिल्लो पटक थपिएको लकडाउनको समय साउन ७ गते सकिदैछ ।
बन्द रहेको व्यवसायिक हवाई उडान खोल्न सरोकारवालाहरुले सरकारलाई दबाब दिइरहेका थिए । व्यवसायिहरुले अगष्ट १ बाट आन्तरिक हवाई र अगष्ट १५ बाट अन्तरराष्ट्रिय तालिकाका उडानहरु सुचारु गर्न तथा सीमा नाका समेत खोल्न पनि माग गरेका थिए । कोरोनाको कारण सरकारले चार्टर उडान, उद्धार उडान, मेडिकल कार्गो उडान बाहेकका सबै आन्तरिक तथा अन्तरराष्ट्रिय उडान बन्द गरेको थियो ।
