इटहरी । वर्षा याममा वर्षेनी बाढीको समस्या झेल्दै आएको इटहरी उपमहानगरका बिभिन्न क्षेत्रहरू यो वर्ष पनि पुनः जोखिम बढाउन थालेको छ ।
४ दिन देखि लगातार परेको वर्षामा टेंग्रा खोलामा आएको बाढीले इटहरीको २ घरमा क्षती पुर्याएको छ । वर्षायाम सुरू भएपनि बाढी आउनु अघीनै टेंग्रा खोलाले डिल भत्काउदै स्थानीयको २ घरमा क्षती पुर्याएको हो ।
खोलाले इटहरी ४ स्थित खगेन्द्र खडकाको घरको पर्खाल भत्काएको छ । रातको समयमा आएको भेलले खोलाको दाँया र वाँया तर्फ थुपारिएको माटोको ढिस्को कटान गर्दै घरको पर्खाल भत्काएको घरबेटी खडकाले बताए ।
बाढीले अर्का छिमेकीको घरमा समेत क्षती पुर्याएको छ । छिमेकीको घरमा पनि राती आएको बाढीले पर्खाल भत्काइदिएको हो । सिचाइ बिभागले समयमै तटबन्ध निर्माणमा हेलचेक्राइ गर्दा बाढीले क्षती पुर्याएको पिडित खडकाको आरोप छ । केहि वर्षअघि इटहरी स्थित टेंग्रा खोलाले सहरनै डुबानमा पारेपछि खोलाको मुहान सेरामा तटबन्ध निर्माण गरेपछि डुबान कम हुदै आएको थियो ।
