सुनसरी/ सुनसरीको कोशी गाउँपालिका–१ लौकही पूर्व बस स्टेण्डबाट मलद्वारमा लुकाएर लागूऔषध ब्राउन सुगर ल्याउँदै गरेका धरानका एक युवक पक्राउ परेका छन्।
इलाका प्रहरी कार्यालय लौकहीबाट खटिएको प्रहरी टोलीले बिहीबार (२०८३ कात्तिक २७ गते) दिउँसो १२ः२० बजे पश्चिमबाट पूर्वतर्फ पैदल आउँदै गरेका धरान उपमहानगरपालिका–१ निवासी २५ वर्षीय अमर दर्जीलाई शंकाका आधारमा चेकजाँच गरेको थियो।
सो क्रममा दर्जीले मलद्वारमा लुकाइछिपाइ ल्याएको ब्राउन सुगर लागूऔषध ५ ग्राम ३४० मिलिग्राम (५.३४ ग्राम) फेला परेको प्रहरीले जनाएको छ।
प्रहरीले लागूऔषधसहित उनलाई नियन्त्रणमा लिएर जिल्ला प्रहरी कार्यालय सुनसरीमा ल्याएको छ। घटनाबारे थप अनुसन्धान भइरहेको प्रहरीले जनाएको छ।
