_1693980289.gif "#")
धरान/ धरान १ स्थित छाताचौकको पुरानो अस्पतालमा ग्रामीण भिडियो एक्स-रे सेवा सुरु भएको छ।
नगर अस्पतालको अवधारणा अनुरुप प्रसूति गृहमा भर्खरै सञ्चालनमा ल्याइएको यो सेवा गर्भवती महिलाहरूका लागि उपयोगी हुने बताइएको छ।
यसअघि भिडियो एक्स-रे नहुँदा गर्भवती महिलाहरू अन्यत्र जान बाध्य थिए। तर, अब यही अस्पतालमै सेवा उपलब्ध भएपछि उनीहरूलाई सहज भएको छ।
उक्त भिडियो एक्स-रे धरान उपमहानगरपालिकाका उपमेयर आइन्द्रविक्रम बेघाले उद्घाटन गरेका हुन्।
जिल्ला जनस्वास्थ्य कार्यालय सुनसरीका पूर्व प्रमुख डा. श्रीराम शाहले व्यक्तिगत लगानीमा १२ लाख रुपैयाँको भिडियो एक्स-रे मेसिन प्रदान गरेका हुन्।
अस्पतालले अनमी समिता राईलाई २१ दिने विशेष तालिम दिएर एक्स-रे सञ्चालनको जिम्मेवारी सुम्पिएको छ।
धरान स्वास्थ्य चौकीकी प्रमुख लक्ष्मी बुढाथोकीका अनुसार ग्रामीण क्षेत्रमा लक्षित यो सेवा अब स्थानीयस्तरमै सहज उपलब्ध हुनेछ।
पूर्व प्रमुख डा. शाहले अस्पतालको अव्यवस्थित अवस्था देखेर सहयोगस्वरूप भिडियो एक्स-रे प्रदान गरेको बताए।
धरान उपमहानगरपालिकाले पुरानो अस्पतालको जग्गामा सुविधा सम्पन्न १०० बेडको अस्पताल निर्माण गर्ने योजना अगाडि बढाए पनि हालसम्म अस्पतालको भौतिक संरचना जीर्ण बन्दै गएको छ।
स्वास्थ्य सेवा विस्तारका लागि ठोस योजना आवश्यक रहेको सरोकारवालाहरूको भनाइ छ।
_Poush 22_1736170149.jpg "#")
_1734253975.jpg "#")
