कोशी प्रदेश प्रिमियर लिगः धनकुटाको देउराली शिर्ष स्थानमा

  • फागुन ७, २०८१
  • कोशीपत्र/संवाददाता
alt

धरान/ धरानमा जारी प्रदेश प्रिमियर लिगमा धनकुटाको देउराली युथ क्लब शिर्ष स्थानमा उक्लिएको छ ।

मंगलबार धरान रंगशालमा भएको खेलमा पाँचथरको पाँचथर युनाइटेडलाई ७–० ले पराजित गरेसँगै ४ अंक सहित देउराली युथ क्लब शिर्ष स्थानमा उक्लिएको हो । समान ४ अंक भएको उदयपुरको गाईघाट फुटबल क्लब भने गोल अन्तरको आधारमा दोस्रो स्थानमा छ ।

देउरालीकालागी समिर लिम्बूले ह्याट्रिक गरे भने दिपेन शाक्यले २ गोल तथा विरेन लिम्बू र ज्ञानेन्द्र भण्डारीले एक एक गोल गरे । खेलको म्यान अफ द म्याच घोषित भएका समिर लिम्बूले नगद ५ हजार पुरस्कार प्राप्त गरे ।

देउराली युथ क्लबले खेलको सुरुवातदेखि नै पाँचथरलाई दबाबमा राखेको थियो । पराजित भएको पाँचथर युनाइटेड अंक तालिकाको पुछारमा पुगेको छ । पाँचथरको दुई खेलबाट १ अंक रहेको छ ।

मंगलबार नै भएको खेलमा उदयपुरको गाईघाट फुटबल क्लबले खोटाङको बुइपा–११ लाई २–० ले पराजित गर्दै ४ अंक सहित अंक तालिकाको दोस्रो स्थानमा रहन सफल भएको छ । गाईघाटकालागी प्रविन राईले दुवै गोल गरे ।

उनले पहिलो हाफको अन्तिम दुई मिनेटमा दुई गोल गरेका हुन् । खेलको म्यान अफ द म्याच समेत घोषित भएका प्रविन राईलाई नगद ५ हजार पुरस्कार प्रदान गरिएको थियो ।

पराजित भएको बुइपा–११ भने १ अंक सहित अंक तालिकाको तेस्रो स्थानमा रहन सफल भएको छ ।
लिगमा बिहीबार विहान धरान रंगशालामा पाँचथर र गाईघाट तथा दिउसो देउराली र बुइपा–११ बीच खेल हुनेछ भने उक्त खेलले लिगको विजेता उपविजेताको टुंगो समेत लाग्नेछ ।

प्रतियोगितामा ११ जिल्लाका लिग च्याम्पियन क्लबहरूबीच प्रतिस्पर्धा भएको थियो ।

प्रतियोगिता फागुन ८ गतेसम्म सञ्चालन हुने सङ्घका अध्यक्ष किशोर राईले जानकारी दिए । लिग विजेताले २ लाख, उपविजेताले १ लाख ५० हजार, तेस्रो हुने टिमले १ लाख २५ हजार र चौथो हुने टिमले १ लाख नगद पुरस्कार प्राप्त गर्नेछन् ।

आन्दोलनरत शिक्षक र स ...

काठमाडौं । गृहमन्त्री रमेश लेखकले विद्यालय शिक्षा विधेय ...

आर्थिक समृद्धिमा ध्य ...

देश होस् वा परिवार, समृद्धिका लागि आवश्यक प्रमुख विषय आ ...

एसइई दिएर बसेका विद् ...

धरान/ एसईई दिएर बसेका विद्यार्थीहरुको लागि अहिले ख ...

सागुरीगढीमा प्राकृति ...

धरान/ कोशी प्रदेशकै पर्यटकीय क्षेत्र सागुरीगढी गाउ ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: रणध्वज लोहार / प्रबन्ध निर्देशक: योगेशबाबु काफ्ले / संबादाता: फणीन्द्र तिम्सिना

Copyright © 2019 / 2025 - Koshipatra.com All rights reserved