_1693980289.gif "#")
चतरा/ बराहक्षेत्र नगरपालिकाको १ र २ नम्बर वडा (साविक वराहक्षेत्र गाविस) पशु प्राविधिकविहीन हुँदा किसानहरू मार्कामा परेका छन् ।
गत साउन महिनादेखि यी २ वटा वडामा कार्यरत एक जना पशु प्राविधिकले हाजिर गर्न छाडेपछि सेवाग्राही जनताले दुःख पाएको गुनासो गरेका छन् ।
६ महिनादेखि कार्यालयमा पशु प्राविधिक नहुँदा औषधिसमेत दराजमा थन्किएका र खेर गएका छन् ।पशु प्राविधिक पठाउन वडाले नगरलाई पत्रसमेत पठाएको छ । जनप्रतिनिधिले नगरसभामा पशु प्राविधिक नभएको गुनासो पनि गरेका थिए । तर, कार्यान्वयन हुन सकेको छैन ।
हाल पशु बाख्रामा देखिने सामान्य रोगहरु नाम्ले, झाडा पखालालगायतका रोगको औषधि वडा सदस्यले नगरका प्राविधिकसँग भिडिओ कलमार्फत जानकारी लिएर वितरण गर्ने गरेको बताउँछन् ।
हाल चिसोको मौसममा पशुहरुमा परजीवी सङ्क्रमण, पोषणको कमि, रक्तअल्पत्ता (एनेमिया), झाडापखालालगायतका रोग देखिने गरेको छ ।चिसोका कारण धेरैजसो जनावरमा ज्वरो आउने, काँप्ने र कतिपय अवस्थामा गाईवस्तुको मृत्युसमेत हुने गरेको छ ।
