धरानका मेयर हर्कराजले घुँडा टेके,तीन बुँदे सहमति

धरान/धरान उपमहानगरपालिकाका मेयर हर्कराज राईलाई राजनीतिक दलहरुले अन्ततः घुँडा टेकाएका छन् ।

मेयर राईले खानेपानी शुल्क बृद्धि गरेपछि १६ दिनअघि देखि शुल्क बृद्धि खारेजीको माग गर्दै आन्दोलनरत दलहरुसँग आइतबार बेलुकी भएको वार्तामा तीन बँदे सहमति गराएर घँुडा टेकाएका हुन् ।

नेकपा एमाले धरान उपमहानगर कमिटीका उप सचिव योगेशबावु काफ्लेका अनुसार मेयर राईले गरेको बृद्धि महशुल तथा शुल्क स्थगित गर्ने, खानेपानी बोर्डको पुर्णता बारे अदालतको फैसला मान्ने र एकसाताभित्र बोर्डको सम्पुर्ण हिसाब सार्वजनिक गर्ने सहमती भएको छ ।

शुल्क बृद्धिको खारेजीको माग गर्दै धरानमा दुईसाता अघिदेखि तनाब ग्रस्त भएको थियो ।

दलहरुले बोर्ड र बिल काउण्टर कार्यालयमा तालाबन्दी देखि नारा,जुलुस,प्रदर्शन सहित धरान उपमहानगरपालिका घेराउ गरेका थिए ।

आन्दोलनको क्रममा प्रहरीको धरपकडले विद्यार्थी समेत घाइते भएका थिए ।