_1693980289.gif "#")
धरान/ कोशी प्रदेशस्तरीय ‘एसईई स्पिकर–२०८१’ को पहिलो चरणबाट २७ जना सहभागी छनोट भएका छन् ।
पहिलो चरणमा कोशी प्रदेशका विभिन्न जिल्लाबाट ३५ जना विद्यार्थी सहभागी भएको आयोजकले जनाएको छ ।
टाढा रहेका सहभागीका लागि यही वैशाख १८ गतेसम्म डिजिटल माध्यमबाट अडिसन लिने व्यवस्था गरिएको आयोजक र्याडिकल लाइट नेपालका अध्यक्ष तीर्थ कार्कीले जनाए ।
पहिलो चरणको डिजिटल अडिसनसमेत सम्पन्न भएपछि दोस्रो चरणको मिति तोकिने उनले बताए ।
पहिलो चरणमा वक्तृत्वकलाको शीर्षक ‘लागूऔषध दुव्र्यसन न्यूनीकरणमा विद्यार्थीको भूमिका’ थियो ।
प्रतियोगिताका निर्णायकहरू महेन्द्र बहुमुखी क्याम्पसका उपप्राध्यापक राजेश विद्रोही र सहिद स्मृति माविका शिक्षक टङ्क भट्टराई रहेका थिए ।
एसईई दिएर बसेका विद्यार्थीहरूको खाली समयको सदुपयोग गर्दै उनीहरूको व्यक्तित्व विकासमा सहयोग पुर्याउने उद्देश्यले प्रतियोगिता आयोजना गरिएको र्याडिकल लाइटका अध्यक्ष कार्कीले जानकारी दिए ।
‘एसईई स्पिकर’ को यो चौथो सिजन हो ।
प्रतियोगितामा पहिलो, दोस्रो, तेस्रो र सान्त्वना स्थान प्राप्त गर्नेले क्रमशः २० हजार, १५ हजार, १० हजार, ५ हजार रुपैयाँ नगद र प्लस टु अध्ययनमा शतप्रतिशत, ७० प्रतिशत,
६० प्रतिशत र ५० प्रतिशत छात्रवृत्ति प्राप्त गर्ने आयोजकले जनाएको छ ।
