धरान/ भोजपुरको षडानन्द नगरपालिका र संखुवासभालाई जोड्ने अरुण नदीको सती घाटमा सञ्चालन भएको फेरि बिग्रिएपछि अहिले यहाँ सैयौ सवारी साधन आवातजावतमा समस्या भएको छ ।
सङ्खुवासभा र भोजपुरलाई जोड्ने खाँदबारी नगरपालिका वडा नम्बर –९ सतीघाटस्थित अरुण नदीमा फेरी बन्द भएपछि यातायात सेवा अवरुद्ध भएको हो ।
शुक्रबार दिउँसो गाडी तार्ने क्रममा फेरीको लठ्ठा (तार) मा समस्या देखिएपछि यातायात सेवा अवरुद्ध भएको फेरि सञ्चालनमा खटिएका षडानन्द नगरपालिकाका नगर प्रहरी विकास राईले बताए ।
फेरी बन्द भएपछि भोजपुर जिल्लामा दैनिक उपभोग्य सामग्री आयात तथा आवत–जावतमा समस्या उनको भनाई छ ।
लठ्ठा खरिद गरेर ल्याएर निर्माण गर्न अझै दुई साता लाग्न सक्ने उहाँको भनाई छ ।
फेरी बन्द भएपछि भोजपुरको षडानन्द नगरपालिका र साल्पासिलिछो गाउँपालिका जाने दर्जनौँ गाडी अरुण नदीमा अलपत्र परेका छन् ।
अरुण नदीमा पक्की पुल नहुँदा फेरी भोजपुरका लागि सवारीसाधन, दैनिक उपभोग्य वस्तु तथा यात्रु तार्ने एकमात्र माध्यम हो ।
सो नदीमा निर्माणाधीन अवस्थामा रहेको दुईवटा पक्की पुल पनि अझै निर्माण सम्पन्न हुनसकेको छैन ।
अरुण नदीको सतीघाट अरुण नदीमा फेरी निर्माण भएपछि षडानन्द नगरपालिका, साल्पासिलिछो गाउँपालिका र छिमेकी जिल्ला खोटाङका ७० हजारभन्दा बढी स्थानीय प्रभावित भएका छन् ।
फेरीले एकै पटकमा चार वटासम्म सवारीसाधन तार्ने गरेको थियो ।
षडानन्द नगरपालिकाको ३५ लाख र प्रदेश तथा संघीय सरकारको ६८ लाख गरी १ करोड ३ लाख बजेटमा फेरी सञ्चालनमा आएको नगरपालिकाले जनाएको छ ।