बसले किचेर सहचालकको मृत्यु

संखुवासभा/ संखुवासभाको चैनपुर नगरपालिका ६ जिरो पईन्ट स्थित चैनपुर नुनढाकी भित्री सडक खण्डमा बसले किचेर सहचालक धनकुटा नगरपालिका ६ पात्लेखोला का ३० बर्षिय मनोज खड्काको मृत्यु भएको छ ।

मंगलबार नुनढाकीबाट ईटहरीतर्फ जादै गर्दा को १ ख ३०७७ नम्बरको बसको ढोकाबाट झर्दा बसको पछाडीको टायरले किचेर सहचालक खड्का गम्भिर घाईते भएका थिए ।

उनलाई उपचारको लागी अस्पताल लैजाने क्रममा बाटैमा मृत्यु भएको थियो ।

बस र चालक धनकुटाको साँगुरीगढी गाऊपालिका १ का ३३ बर्षिय कुमार उपाध्यायलाई इलाका प्रहरी कार्यालय चैनपुरबाट नियन्त्रणमा लिई थप अनुसन्धान भईरहेको छ ।