_1693980289.gif "#")
रंगेली/ मोरङको कानेपोखरी गाउँपालिका ४ रमाइलोमा बसोबास गर्दै आएका बब्लु साह उनका भाइ छोटो साहले विगत २० वर्षदेखि चटपटे व्यवसायी गरिरहेका छन् ।
पछिल्लो समय युवाहरू वैदेशिक रोजगारीमा आकर्षित भएता पनि मोरङको पुरानो बजार दोहमानामा उनीहरु नेपालमै बसेर पनि केही गर्न सकिन्छ भनेर उदाहरणीय बनेका छन् ।
सुरुको अवस्थामा घरको आर्थिक अवस्था नाजुक भएको कारणले पढाईबाट वञ्चित भएपछि बुबाले गर्दै आएको पेशालाईनै जिम्मेवारी लिएर निरन्तर दिन थालेको बब्लु बताउँछन् ।
गाउँका युवाहरू विदेश गएता पनि आफूहरुले भने स्वदेशमै बसेर आफ्नो जीवनयापन गर्न सहज हुने विश्वास गरेपछि यही पेशालाई अँगालेको उनीहरु बताउँछन् ।
११ वर्षको उमेर हुँदा पढाइ छोडेर चटपटे व्यवसायमा लागेको बब्लुले बताए । उनीहरुले आफ्नै बुबाको पुख्र्यौली पेशालाई नै निरन्तरता दिएको उनले बताए । सो पेशाबाट उनीहरूले अहिले आफ्नो १२ जनाको परिवार पालनपोषण समेत गर्दै आइरहेका छन् ।
चटपटे व्यवसायबाटै ३ कट्ठा जग्गा समेत खरिद गरेर अहिले सोही स्थानमा बसोबास समेत गरिरहेको छोटुले बताए ।
उनीहरूले प्रत्येक आइतबार र बिहिबार लाग्ने दोहमाना बजारमा आफ्नो चटपटे व्यवसाय सञ्चालन समेत गर्दै आइरहेका छन् ।
उनीहरूले साताको दुई दिन २० हजार रुपैयाँ सम्म आम्दानी गर्ने गरेको बब्लुले बताए ।
उनीहरूले बनाउने चटपटेमा विभिन्न प्रकारका धेरै सामग्री हालेपछि थोरै पैसामा पनि धेरै चटपटे आउने भएको कारणले गर्दा ग्राहकहरू झुम्मिएर बस्ने गरेका छन् ।
