_1693980289.gif "#")
वराहक्षेत्र /आठौं स्थापना दिवसको अवसरमा वराहक्षेत्र नगरपालिकाले रक्तदान कार्यक्रम र वक्तृत्वकला प्रतियोगिता कार्यक्रम आयोजना गरेको छ ।
शनिवार बिहान नगरपालिकाले कार्यलय परिसरमा रक्तदान र वक्तित्वकला प्रतियोगिता आयोजना भएको थियो ।
नेपाल रेसक्रस सोसाईटी सुनसरी तथा नेपाल रेडक्रस सोसाइटी महेन्द्रनगर उपशाखाको प्राबिधिक सहयोगमा भएको रक्तदान कार्यक्रममा ६५ पिन्ट रगत संकलन भएको थियो ।
त्यस्तै शनिवारनै नेपालमा कुम्भ मेला बिषयक माध्यमिक विद्यालत स्तरीय वक्तृत्वकला प्रतियोगितामा वडा नं १ चतरामा रहेको राधाकृष्ण संस्कृति गुरुकुलम माध्मिक बिद्यालयका सुशन आचार्य प्रथम भए। 
त्यस्तै द्वितीय महेन्द्र माबि तित्रिगाछिकी उषा भट्टराई , महेन्द्र माबि चक्रघट्टीका तारानाथ चौलागाई तृतीय र जगनाथ डेजराज जनता माध्यमिक बिद्यालयका गणेश कट्वाल सान्त्वना हुन सफल भएका थिए ।
उनिहरुलाई नगर प्रमुख रमेश कार्की , उप-प्रमुख नन्दकुमारी सुनुवार , प्रमुख प्रशासकीय अधिकृत देबेन्द्र मल्ल लगाएले नगद सहित प्रमाण पत्र हस्तारण गरेका थिए ।
२०७३ फाल्गुन २७ गते साविका बराहक्षेत्र , भरौल, महेन्द्रनगर, प्रकासपुर र मधुवन गाउँ विकास समिति मिलेर वराहक्षेत्र नगरपालिका स्थापना भएको थियो ।
नगरपालिका घोषणा भएको अवशरलाई उत्सवको रुपमा लिएर आठौं स्थापना दिवश मनाउने निर्णय गरिएको वराहक्षेत्र नगरपालिका नगर प्रमुख रमेश कार्कीले बताए ।
स्थापना दिवसरको अबशरमा २६ , २७ र २८ गते साझ नगरपालिकाको कार्यालय र वडा कार्यलयहरुमा दिप प्रज्वलन कार्यक्रम गरिने छ ।
त्यस्तै २७ गते वहत् सरसफाई र २८ गते नगर स्तरीय खुल्ला रोड रेस प्रतियोगिता आयोजना हुनेछ ।
