धरान/ सामुदायिक तथा नीजि विद्यालयलहरुले प्राविधिक शिक्षासँगै खेलकुदका गतिविधिलाई जोड दिन थालेका छन् ।
प्राविधिक शिक्षाले स्वरोजगार बनाउने र खेलकुदले शारीरिक रुपमा तन्दरुस्त बनाउने भएकाले पनि खेलकुद प्रशिक्षण नै राखेर खेलकुदका गतिविधिलाई जोड दिँदै आएका छन् ।
प्राय गरेर हरेक विद्यालयमा भलिवल, फुटबल, बास्केट बल जस्ता शारीरिक व्यायाम हुने खेलसँगै चेस, चाइनिज चेकर जस्ता बुद्धि बढाउने खेलहरु समावेश हुन्छन् ।
प्रतियोगिता विद्यालयभित्रैका कक्षाहरुमा समेत प्रतिष्पर्धा गराइन्छ भने प्रतिष्पर्धाबाट सक्षम भएकाहरुलाई अन्तर विद्यालय प्रतियोगितामा समेत समावेश गराइने गरिएको छ ।
हरेक विद्यालयले खेललाई प्राथमिकता राखेर प्रशिक्षण नै नियुक्ति गर्नुको पछाडि विद्यालयमा अध्ययनरत विद्यार्थीहरुको शारिरिक व्यायामसँगै खेलकुदप्रति रुचि भएका विद्यार्थीहरुको प्रतिभा प्रस्पफुटन गर्नु नै हो । यस्तै धरानको आदर्श माविले समेत प्रशिक्षण नै राखेर खेलकुदका गतिविधिलाई चलायमान गर्ने गरेको छ ।
अध्ययनका क्रममा धेरै मानसिक तनाव हुने भएकोले समय समयमा विद्यार्थीहरुलाई खेलकुदमा समावेश गर्न सके शारीरिक तन्दुरुतसँगै मानिसक दन्तरुस्त राख्न सकिने धरान आदर्शका भलिवल प्रशिक्षक जय किशन राई बताउँछन् ।
खेलकुद प्रशिक्षक नै राखेर विभिन्न खेलकुदका गतिविधिलाई चलायमान बनाउने विद्यालय धरान आदर्शमात्र हैन धरानमा रहेका अधिकांश विद्यालयमा यस्ता प्रचलन बढ्दै गएको छ ।
यस्ता विद्यालयका शिक्षकहरु भने खेलकुदका गतिविधिले त्यस विद्यालयका विद्यार्थीहरुलाई हरेक कुरामा अब्बल बनाउन सहयोग पुग्ने बताउने गरेका छन् ।
धरान आदर्शकका शिक्षक लोक बहादुर श्रेष्ठले विद्याथीको शारीरिक कसरतसँगै खेलले अनुशासित, टिमवर्कसँगै सामाजिक गतिविधिमा सक्रियता बढाउने भएकोले आदर्श क्याम्पसले समेत विभिन्न खेलको प्रशिक्षक नै राखेर खेलको प्रवद्र्धनमा लागेको बताए ।
पढाईका अलावा खेलकुदका गतिविधिलाई हरेक विद्यालयले दिएको प्राथमिताका राखेका छन् ।
प्रत्येक विद्यालयले आन्तरिक रुपमा खेलकुद सप्ताह समेतको आयोजन ागर्ने गरेका छन् । यस्ता गतिविधिले विद्यार्थीको वृत्ति विकासमात्र हैन राष्टूका लागि खेलाडी उत्पादनमा समेत महत्वपूर्ण योगदान पुग्दै आएको छ ।