_1693980289.gif "#")
वराहक्षेत्र/ हालसम्म राज्यको कुनै समुदाय सुचिकृत नभएका चाँय जातिहरु पिछडावर्गमा सुचिकृत भएका छन् ।
सोमवार श्रीमहल पुल्चौक ललितपुर स्थित कार्यलयमा बसेको संबैधानिक राष्ट्रिय समाबेशी आयोगको बैठकले चाँय जातिलाई नेपाल पिछडावर्गमा समाबेश गरि सुचिकृत गरेको हो ।
नेपालको सुनसरी, मोरङ्ग, झापा, सर्लाही, रौतहट लगाएका तराईका जिल्लामा बसोबास रहेको चाँय जाति भित्र चन्द्रबशी र मण्डल थर रहेका छन् ।
बषौदेखि राज्य वर्ण व्यवस्थामा जोडिन चाहे पनि आज पूरा भएको नेपाल चन्दबंशी समाजका पुर्व केन्द्रीय सचिब राम कुमार मण्डलले बताए ।
उनले भने, ‘आजनै राष्ट्रिय समावेश आयोगका माननीय सदस्य तथा प्रवक्ता पुस्कर राज तिमिल्सिनाले फोन गरेर चाँय जाति पिछडावर्गमा सुचिकृत भएको आधिकारिक जानकारी दिनु भएको हो । हामी धेरै नै खुशी छौ । यसलागि हामिले पनि पहल गरि राखेका थियौ ।’
हिन्दु धर्ममा आस्था राख्ने चाँय जातिहरुको २०६८ सालको जनगणना अनुसार करिव १४ हजार जनसंख्या रहेको चाँय जातिका अगुवा वराहक्षेत्र नगरपालिका वडा नं ९ का अध्यक्ष निरञ्जन चन्द्रवशीले बताए ।
प्राय मुख्य पेशा खेति, किसानी रहेको चाँयको मुख्य चाड माघ महिनाको पहिलो आईतवार पर्ने वण्डा पर्व, दशै, तिहार रहेको र संवैधानिक आयोगबाट पिछडावर्गमा सुचिकृत हुन पाउँदा खुशी लागेको उनले बताए ।
उनले भने ‘राज्यको समुदायमा सचिकृत गराउन संघिय सासद तथा पुर्ब मन्त्री ज्ञानेन्द्र बहादुरकार्कीले पहल गरेको र धन्यवादको पात्र बन्नु भएको छ ।’
