_1693980289.gif "#")
गेली।१० वर्षपछि नेपाल आगामी वर्ष अमेरिका र वेस्ट इन्डिजमा हुने आइसिसी टी–२० विश्वकप २०२४ का लागि छनोट भएसँगै क्रिकेट समर्थकहरूले देशभर दीपावली गरिएका छन्।
मोरंगको रंगेली नगरपालिका वडा नं ८ र ९ का क्रिकेट सर्मथकहरुले नेपालको ऐतिहासिक जितमा फर्साडागीं चोकमा दिपावली कार्यक्रमको आयोजना गरी खुशियाली मनाएका हुन्।
क्रिकेटमा शक्ति राष्ट्रको रुपमा नेपालले पनि आफ्नो नाम उजागर गर्दे एक पछि अर्को सफलता हात पार्दै गएकाले यस ऐतिहासिक दिनलाई उत्सवको रुपमा मनाएको नेपाली क्रिकेट समर्थक तुलसी सापकोटाले बताए।
नेपालको ऐतिहासिक जितका साक्षी हुन पाएको खुसी व्यक्त गर्दै यस दिनलाई उत्सवका रुपमा मनाइएको स्थानीय हरि रिजालले बताए। नेपालले उत्कृष्ट प्रर्दशनले संसारलाई क्रिकेटको मार्फत नेपाल चिनाउने अवसर प्राप्त गर्दा निकै खुसीलागेको कार्यक्रममा उस्थिति सिता सापकाेटाले बताइन्। त्यस्तै, क्रिकेटमा नेपालकाे पछिल्लाे प्रदर्शनले नेपालीहरुमा खुसी छाएकाे राधिका मिश्रले बताइन्। कार्यक्रममा सहभागी स्थानीय चन्दन ठाकुरले खेलले विभिन्न स्थानमा रहेका नेपालीहरुलाई एक जुट बनाइ समाजमा भाइचारा कायम गर्न समेत मद्दत पुर्याउने भन्दै आगामी दिनमा नेपाली क्रिकट टिमलाइ शुभकामना समेत दिएका थिए। कार्यक्रममा दर्जनौं नेपाली क्रिकेट सर्मथकहरुको उपस्थितिमा नेपालको राष्ट्रगान गाउँदै सरिक भएका थिए।
एक पछि अर्को ऐतिहासिक सफलता प्राप्त गर्दै गएको नेपाली क्रिकेट टिमले शुक्रबार आइसिसी टी–२० विश्वकप एसिया छनोटको सेमिफाइनलमा जित निकालेर फाइनलमा पुगेसँगै नेपाल १० वर्षपछि टी–२० विश्वकपमा छनोट भएको हो। शुक्रबार मुलपानी मैदानमा भएको सेमिफाइनल भिडन्तमा नेपालले युएईमाथि ८ विकेटको सानदार जित निकाल्यो।
युएईले दिएको १३५ रनको लक्ष्य नेपालले १७।१ ओभरमा २ विकेटको क्षतिमा पूरा ग¥यो।
