धरान/ नेपालीहरुको महान चाड वडादशैको अवसर पारेर धरान ८ मा रहेको अपांग तथा असहाय सेवा केन्द्रले धरान लगायत धरान बाहिरका अति विपन्न परिवारलाई खाद्यान्न वितरण गरेको छ ।
स्व. मणिराम अग्रवालको स्मृतिमा उनका जेठा छोरा अशोक अग्रवालले केन्द्र मार्फत सहयोग उपलब्ध गराएका हुन् ।
बर्षभरि अपांग तथा असहाय सेवा केन्द्र मार्फत १२ लाख रुपैया बराबरको सहयोग पु¥याउदै आएका अग्रवालले दशै चाड पर्व गरिब तथा असायको समेत राम्रो वितोस् भन्ने उद्देश्यले एक जना बराबर २० केजी चामल, दाल, सब्जीजन्य सामाग्री वितरण गरेका हुन् ।
धरान ८ केन्द्रकै कार्यालयमा भएको कार्यक्रममा धरान ११ का वडाध्यक्ष लोकेन्द्र फागो, महिला सञ्जाल धरानकी पूर्व अध्यक्ष शिला बज्राचार्यको उपस्थितिमा सामाग्री वितरण गरिएको हो ।
केन्द्रले गरेको कार्य सह्रानीय भएको भन्दै यस्ता कार्यक्रममा आफू पनि सहभागी हुने वडाध्यक्ष फागोले बताए ।
महिला सञ्जाल धरानकी पूर्व अध्यक्ष शिला बज्रचार्यले समेत अपांग तथा असहाय केन्द्रले निरन्तर गर्दै आएको सामाजिक कार्यको प्रशंसा गरिन् ।
सामाजिक व्यक्तित्व अग्रवालले एक पटक मात्र हैन ३१ पटक सम्म विपन्न तथा सहायलाई सहयोग गर्दै आउनु भएकोप्रति बज्राचार्यले प्रशंसा गरिन् ।
अपांग तथा असहाय केन्द्रका निर्देशक सुनिल खड्काले यस्तै सहयोगी संस्था तथा व्यक्तित्वबाट प्राप्त सहयोग अपांग, असहाय तथा विपन्न वर्गलाई वितरण गर्दे आएको बताए ।
उनले समाजसेवी अग्रवालले केन्द्र मार्फत विपन्न परिवारलाई सहयोग गर्दै आएको प्रति धन्यवाद दिए ।
केन्द्रले स्थापना कालदेखि नै अपांग तथा असहाय तथा विपन्न वर्गलाई लक्षित गरी खाद्यान्न मात्र हैन, उनीहरुको स्वास्थ्योपचार, बालबालिकालाई पढाई खर्च समेत सहयोग गर्दै आएको छ ।