_1693980289.gif "#")
मोरङ / मोरङको जहदा २ मझारेको जनता माविमा अँग्रेजी माध्यमबाट पढाई शुरु गरिने भएको छ । शैक्षिक सत्र २०८० बाट अंग्रेजी माध्यमबाट पठनपाठन गर्नकै लागि सोमबार अभिमुखी कार्यक्रमको आयोजना गरेको छ ।
बाल विकासदेखि कक्षा ३ सम्म अंग्रेजी माध्यमबाट कक्षा संचालन गर्नको लागि दुई दिने अभिमुखीकरण कार्यशाला तालिम सम्पन्न भएको जहदा गाउँपालिकाका शिक्षा शाखा प्रमुख दिपक खनालले जानकारी दिए ।
शिक्षा शाखा प्रमुख खनालले उद्घाटन गरेको कार्यशाला तालिमपछि खनाललेविद्यालयले लिएको भाबि कार्य योजना समग्र जहदा गाउपालिकाकै विद्यालयहरुका लागि अनुकरनिय रहेको बताए ।
उनले प्रधानाध्यापक नबिन गौतमको नेतृत्वमा विद्यालयले आगामी दिनमा शैक्षिक गुणस्तरमा दरिलो फड्को मार्ने आशा समेत व्यक्त गरे ।
कक्षा १० सम्म संचालित यस विद्यालयमा अभिभावकको चाहना बमोजिम अंग्रेजी माध्यमबाट कक्षा संचालन गर्ने योजना अगाडि सारिएकोे विद्यालयका प्रधानाध्यापक नबिन गौतमले जानकारी दिए ।
