तस्वीरः विकाश चाम्लिङ राई
धरान । धरानमा धरान स्नुकर च्याम्पियन २०७९ को विहीबार उद्घाटन गरिएको छ ।
धरान ५ सिरान देउरालीमा रहेको युनिक पुल हाउस एण्ड खाजा घरको उदघाटनसँगै युनिक पुल हाउस धरान स्नुकर च्याम्पियनको विहीबार उद्घाटन गरिएको हो ।
धरान ५ न. वडाका पुर्व वडा सदस्य कुमार देवानले रिवन काटेर खाजा घरको उद्घाटन गर्नुका साथै स्नुकरको सट लिदै प्रतियोगिताको उद्घाटन समेत गरेका थिए ।
प्रतियोगिताको उद्घाटन खेलमा साहिल श्रेष्ठ, ओपनेन्ट लिम्वु र नानि भुजेल विजयी भएका छन् । खेलमा साहिलले सन्जित राईलाई, ओपनेन्टले खड्क लिम्वु र नानि भुजेलले युनिस राई पराजित गर्दै उपाधिका लागि अघि वढेका छन । । प्रतियोगिताका विजेताले नगद ३० हजार, उपविजेताले नगद २० हजारसहित ट्रफि र प्रमाणपत्र प्राप्त गर्नेछन् । यसैगरि व्यक्तिगत पुरस्कार तर्फ प्रतियोगिताको सेन्चुरी व्रेकले नगद १५ हजार र हाइएस्ट वे्रकले नगद १० हजार रुपैया, ट्रफि र मेडल प्राप्त गर्नेछन् ।
प्रतियोगितामा धरान भरिका ५२ जना खेलाडिहरुले भाग लिएका छन् । प्रतियोगिता दुई हप्ता सम्म चल्नेछ । स्नुकर खेल विकास र स्नुकर खेलाडिहरुलाई प्रोत्साहन गर्नका लागि प्रतियोगिता आयोजना गरिएको खाजा घरका संचालक एवं प्रतियोगिताका संयोजक चन्द्र लिम्वुले वताए ।
