धरान । धरान १३ प्रहरी स्कुलभित्र निर्माण सम्पन्न भएको नेपाल भारत मैत्री भवनको शनिवार उद्घाटन गरिएको छ ।
नेपालका सूचना तथा प्रविधि मन्त्री ज्ञानेन्द्रबहादुर कार्की र भारतीय राजदूत डा. नविन श्रीवास्तवले संयुक्त रुपमा भवनको उद्घाटन गरेका हुन् ।
४ करोड लागतमा निर्माण भएको तीन तले भवनको निर्माण सम्पन्न भएसँगै उद्घाटन भएको हो । उद्घाटनपश्चात नेपालका सूचना तथा प्रविधि मन्त्री ज्ञानेन्द्रबहादुर कार्की र भारतीय डा. नविन श्रीवास्तवले सदियौ देखिको नेपाल भारतको आत्मीय अझ दरिलो बनाउदै लानुपर्नेमा जोड दिएका थिए ।
उनीहरुले सरकार सरकारबीचमात्र हैन जनस्तरबाटै प्रगााढ रहेको दुई देशको सम्बन्धलाई धुमुल्याउने प्रयास समय समयमा हुने गरेकाले यसतर्फ सचेत हुनुपर्नेमा जोड दिएका थिए ।
उद्घाटन कार्यक्रममा सुनसरीका प्रजिअ इन्द्रदेब यादव ,जिल्ला समन्वय समिति सुनसरी प्रमुख राजन मेहता, भारतीय पेन्सन वितरण कार्यालय धरानका मेजर भरत कनौजियार्, १.न. प्रदेशका पूर्व प्रमुख गोबिन्द सुब्बा, इनरुवा नगरपालिकाका मेयर केदार भण्डारी, ने.का.धरान नगर सभापति श्याम पोख्रेल लगायतको उपस्थिति रहेको थियो । उद्घाटन अघि सुनसरी उद्योग वाणिज्य संघले मन्त्री कार्की र राजदुत श्रीवास्तवलाई स्वागत गरेका थिए । स्वागत कार्यक्रममा राजदूत श्रीवास्तवले नेपाल र भारतको आर्थिक कारोबारलाई बढाउनुपर्नेमा जोड दिएका थिए ।
