धरान । सुकुम्बासीको नाममा जथाभावि जग्गा राकेर टहरा बनाउनेका विरुद्ध स्थानीयहरु नै उत्रिएका छन् । धरान १७ डाँडा घोपामा जग्गा रोकेर जथाभावि टहरा बनाइएका १० वटा टहरा स्थानीयबासी र नगरप्रहरी मिलेर भत्काएका छन् ।
धरान–१७ डाँडा घोपा नमुना मार्ग टोल विकास संस्थाले नगरपालिकाका प्रहरीसँग मिलेर सर्दु खोला छेउमा बनाइएका टहरा भत्काएका हुन् ।
संस्थाका अगुवा लिलाबहादुर बुढाथोकीका अनुसार जथाभावि जबरजस्ती बनाइएका टहरा भत्काउन बारम्बार आग्रह गर्दा समेत नभत्काएपछि बुधवार बिहान नगर प्रहरीसँग सहकार्य गरेर टहरा भत्काएको जानकारी दिए । उनले भने–‘वास्तविक सुकुम्बासीले टहरा बनाउन पाउनुपर्छ तर सुकुम्बासीका नाममा हुकुमबासीले जबरजस्ती टहरा बनाउने गरेका कारण भत्काएका हौ ।’