धरान । मंगलवारे युवा क्लब उर्लाबारीले मदन भण्डारी अस्पताल तथा ट्रमा सेन्टरको नयाँ भवनमा व्यापक अनियमिता भएको भन्दै भ्रष्टारीलाई कारबाहीको माग गरेको छ ।
क्बलबले सेन्टरको ओपिडी भवन निर्माणमा अनियमिता भएको भन्दै विरोध जनाएपनि आइतबार उद्घाटन गर्न मन्त्रि आएपछि युवाहरुको समूहले मन्त्रीलाई कालो झण्डा समेत देखाएका छन् । क्लबका अध्यक्ष पिलराज गिरीको नेतृत्वको टोलीले आइतबार अस्पतालको आपिडीको उद्घाटन गर्न आएका प्रदेश नं.१ का स्वास्थ्य मन्त्री जयराम यादवलाई कालो झन्डा देखाएका हुन् ।
उर्लाबारी—३ मंगलबारेमा रहेको सेन्टरको ओपिडी भवन निर्माण गर्दा व्यापक भ्रष्टाचार भएको भन्दै आवाज उठाउदै आएको थियो । तर कसैबाट यसको छानविन नभएपछि उद्घाटन गर्न आएका मन्त्रिलाई नै उनीहरुले कालो झण्डा देखाएका थिए ।
यसअघि पनि उनीहरुले भवन खर्च विवरण सार्वजनिक गर्न माग गर्दै अस्पताल प्रशासनलाई ज्ञापन पत्र समेत बुझाएका थिए । उनीहरुले बुझाएको ज्ञापनपत्रको अस्पताल प्रशासनले वेवास्ता गरेपछि उनीहरु आक्रोसित बनेका थिए ।
कालो झन्डा देखाउने गिरिसँगै क्लबका महासचिव रेशु कटुवाल ,सदस्यहरू शेखर खड्का ,प्रदीप दाहाल र प्रतीक पाण्डेलाई प्रहरीले नियन्त्रणमा लिएको छ ।