धरान । धरानका नगर प्रमुख हर्क साम्पाङ्ले सर्दुबाट ७ सय ५० वाटको विजुली क्षमता भएको टर्वाइनबाट विहीबार ३ सय वाटको विजुली उत्पादन गरी उदघाटन गरेका छन् ।
साम्पाङ्गले केही समय अगाडि मिनी हाइड्रो पावरको अवधारणा अगाडि ल्याएर सर्दुमा काम समेत शुरु गरेका थिए । उनले सुरुवात गरेको १० दिनमानै मिनि हाईट्रो पावरबाट विजुली उत्पादन गरेर उद्घाटन समेत गरेका हुन् । उनले भने–‘हाइड्रो पावरका विषयमा धेरैले प्रत्याएनन्, तर म अडिग भएर यसमा लागिपरे, १० दिनमा सफल भइयो ।’
उनले विजुली उत्पादनमा तर्कबहादुर मगरको अगुवामा गरिएको बताए । उनले सर्दुको टर्वाइनबाट विजुली निकाल्न ३ लाख खर्च भएको बताउदै उत्पादनमा आवश्यक सामाग्री सिंह वाहिनी इन्जिनिरिङ प्रा.लि. हलगडाले टर्वाइन जेनेरेटर, भोल्ट मिटर बक्स ,पाइप फिटिङ सहयोग गरेको तर्क मगरले बताए ।
टर्वाइनबाट विजुली उत्पादन गर्न सिहं वाहिनीका तर्फबाट प्रवन्ध निर्देशक – टंकप्रसाद तिमिल्सिना, उत्पादन निरिक्षक गोपाल खड्का र रमेश तिमिल्सिना टेकनिकल पर्सन होम बहादुर लिम्बू र टेक्निसियन नरेन्द्र मानन्धरले सहयोग गरेको उनले बताए ।