पाख्रीबासका लालबहादुरलाई ठूलो बज्रपात: क्षणभरमै ६ वटा चौपाया मरे

धरान । धनकुटाको पाख्रीबास नगरपालिकाका ७ का थाक्लेका लालबहादुर तामाङलाई बुधबार ठूलो बज्रपात प¥यो । उनले पालेका चौपाया क्षणभरमा मरेपछि उनको परिवारमा ठूलो बज्रपात परेको हो ।

बुधबार दिउँसो अचानक उनले पालेका ३ वटा बाख्रा, १ बोका १ पाडी र १ गोरु शंकास्पद तरिकाले थलामै मरेका थिए । तामाङ भन्छन्–‘केही समय अगाडि राम्रै रहेका वस्तुहरु भटाभट मरे, मेरो त सर्वनाश नै भयो ।’

उनले शंकास्पद ढंगबाट मरेको बताउदै कसैको षड्यन्त्रले चौपया मरेको भन्दै सत्यतथ्य बाहिर ल्याउन प्रहरीलाई आग्रह गरेका छन् । उनले भने–‘एकै पटक ६ वटा वस्तु मर्नु शंकास्पद छ, एउटा वा दुईवटासम्म मर्न सक्छन्, ६÷६ वटा मरेका छन् यो शंकास्पद छ ।’

तामाङको ६ वटा चौपाया मरेलगगत्तै बिहिबार बिहान पुगेको प्रहरी र पाख्रिवास नगरपालिका पशुशाखाका प्राविधीकहरु घट्ना स्थालमा पुगेका थिए । उनीहरुले समेत चौपायाको बाहिरी लक्षण हेर्दा कसैले युरिया मल खोलेमा मिसाएर दिएका कारण मृत्यू भएको आशंका गरेका थिए । पाख्रिवास नगरपालिकाका पशुशाखा प्रमुख गोरख तामाङ्गले –‘एकैपटक ६ वटा चौपाया मरेका छन्, यो शंकास्पद छ, यसको अनुसन्धान गरेर बाहिर ल्याउनुपर्छ ।’

उनले मृत्यु भएका चौपाया प्रकृति हेर्दा यूरिया मल खानाको माध्यमबाट खाएको हुन शंक्ने आशंका गरे । उनले भने– ‘चौपायाको मृत्युको कारण के हो अहिले भन्न सकिँदैन तर विष सेवनबाट नै मृत्यु भएको आशंका गर्न सकिन्छ पशु चिकित्सकहरुले पोष्टमाटम गरेर रिपोट आएपछिमात्र वास्तविकता थाहा हुन्छ ।’