_1693980289.gif "#")
धरान । नेकपा एमालेका उपाध्यक्ष सुवासचन्द्र नेम्बाङ्गले वर्तमान गठबन्धन सरकारले चकित तुल्याएको बताएका छन । असफल गठबन्धन सरकारले अनौंठा अनौंठा काम गरिरहेको पनि उनले बताएका हुन् ।
नेकपा एमाले इलामले आयोजना गरेको प्रशिक्षण कार्यक्रमलाई सम्बोधन गर्दै नेम्बाङ्गले संसद माथिनै प्रश्न उब्जिएको बेला प्रधानन्यायधिश माथिको महाअभियोग दर्ता गरेर सरकारले चकित तुल्याएको बताए । नेम्बाङ्गले भने, ‘महाअभियोग सम्बन्धी अध्ययन गर्न तीन महिना लाग्छ माननीयहरुनै निर्वाचनमा खटिने बेला भएको छ । यस्तो बेलामा सरकारले महाअभियोग दर्ता गराउनु अस्वभाविक हो ।’
स्थानीय तहमा सबै दल एकातिर हुँदा पनि एमालेको लोकप्रिय मत आएकोले आगामी निर्वाचनमा पनि एमाले जीत सुनिश्चित भएको बताए । स्थानीय तहको निर्वाचनमा आन्तरिक समस्याका कारण सोचे जति स्थानीय तहमा जीत हासिल गर्न नसके पनि पार्टी एक ढिक्का भएर निर्वाचन लडेमा जीत सुनिश्चित भएको उनले बताए ।
नेम्बाङ्गले बजेट निर्माणको क्रममा करको दर हेरफेर गरेको विषयमा सीसी टीभी फुटेज सरकारले मेटेर सरकारले संसारमै अचम्म लाग्दो काम गरेको बताए । असम्बन्धित व्यक्तिको प्रयोग गरेर करको दर हेरफेर गरेको विषयमा बनेको सांसदीय छानविन समितिको प्रतिवेदनले प्रश्नहरुको जवाफ होइन अर्थमन्त्री माथि थप प्रश्न उब्जाएको बताएका छन् ।
अयोग्य चालकको पछि प्रचण्ड र माधव: भट्टराई
नेकपा एमालेका सचिव योगेश भट्टराईले आगामी मंसिर ४ गते हुने निर्वाचन एमालेका लागि चुनौति मात्र नभएर भयानक अवसर भएको बताउनु भएको छ । नेकपा एमालेको अगुवा कार्यकर्ता प्रशिक्षण कार्यक्रमलाई सम्बोधन गर्दै उनले मंसिर ४ को चुनावमा एमालेले दुई तिहाई नल्याए पनि बहुमत ल्याउने दाबी पनि गरे । एमालेको विरुद्धमा सबै शक्ति एक भएकाले पनि एमाले शक्तिशाली पार्टी भएको पुष्टि भएको सचिव भट्टराईले बताए । एमालेसँग एक्लाएक्लै निर्वाचन लड्न नसक्ने भएकाले सबै पार्टीले गठबन्धन गरेको उनले बताए ।
समाजवादको यात्रामा हिँडेका प्रचण्ड र माधव कुमार नेपाल गलत बाटो हिँड्नु भएको छ, सचिव भट्टराईले भने, सबैभन्दा अयोग्य शेरबहादुर देउवालाई स्टेरिङ्गमा राखेर उहाँहरु गन्तब्यमा पुग्नुहुन्न । उहाँहरु दुर्घटना सहन बाध्य हुनु पर्छ ।’ नेकपा एमाले जिल्ला कमिटिको आयोजनामा भएको प्रशिक्षणमा नेकपा एमाले केन्दिय सदस्य राम राना र जिल्ला अध्यक्ष महेश बस्नेतले पनि जिल्लाको समग्र गतिविधिको चर्चा गरेक थिए ।
