धरान । धरान उपमहानगरपालिकाका प्रमुख हर्कराज राईमाथि अपशब्द बोल्दै तोडफोडमा उत्रिएको आरोपमा बराह पीडित संघर्ष समितिका संयोजक खगेन्द्र नेपालीलाई प्रहरीले पक्राउ गरेको छ ।
साउन १५ गते बराह पीडित संघर्ष समितिले धरान उपमहानगरपालिका घेराउ गर्नेक्रममा मेयरको कार्यकक्षको झ्यालको सिसा तोडफोड गरेको भन्दै मेयर साम्पाङले बराह पीडित संघर्ष समितिका संयोजक नेपाली र प्रवक्ता प्रदीप बास्तोला विरुद्ध सार्वजनिक मुद्धामा किटानी जाहेरी दिएका थिए ।
उजुरी दिएको भोलिपल्ट साउन १८ गते धरान–१६ बाट प्रवक्ता बास्तोलालाई पक्राउ गरे पनि नेपालीलाई प्रहरीले पक्राउ गरेको थिएन । उनलाइ आइतबार बिहान पौने ११ बजे धरानको भानुचौकबाट प्रहरीले पक्राउ गरेको इलाका प्रहरी कार्यालय धरानका प्रमुख डिएसपी बुद्ध श्रेष्ठले बताए ।
