फरक क्षमता भएकालाई राहत वितरण

धरान । धरान उपमहानगरपालिका वडा नं. १४ ले फरक क्षमता भएकाहरुलाई बार्षिक बजेट अन्तर्गत छुट्याइएको बजेटबाट सहयोग गरेको छ ।

वडाले फरक क्षमता भएका सात जनालाई शनिवार आधारभूत स्वास्थ्य केन्द्रमा एक कार्यक्रमको आयोजना गरी सहयोग दिएको हो ।

वडाले उनीहरुलाई अतिआवश्यक पर्ने चामल, दाल, खानेतेल, साबुन र तुथपेष्ट लगायतका सामाग्री प्रदान गरेको हो ।

वडाले प्रत्येक महिना उनीहरुलाई जीवनयापनमा केही सहयोग पुगोस् भन्ने उद्देश्यले वितरण गर्ने गरेको वडाध्यक्ष कृष्णप्रसाद भट्टराईले बताए ।

वडाले सहयोग गरेकोमा उनीहरुले वडा कार्यालयलाई धन्यवाद दिए । उनीहरुले वडाको सहयोगको प्रशंसा गर्दै आगामी दिनमा बच्चाहरुका लागि चाहिन अत्यावश्यक सामाग्री डाइपर,ओट, विस्कुट तथा फूलफूल लगायतका सामाग्री प्रदान गर्न वडाध्यक्षलाई अनुरोध गरे ।

फरक क्षमता भएकाहरुलाई सहयोग पुगोस् भन्ने उद्देश्यले प्रदान गर्दै आएको सामाग्री पर्याप्त नभएका वडाध्यक्ष भट्टराईले बताए । उनँले आगामी दिनमा उनीहरुको आवश्यकता अनुसारका सामाग्री वितरण गरिने बताए ।

वडाले लक्षित वर्गका लागि विगतदेखि नै औषधि, खाद्यान्न, लत्ताकपडा लगायतका सामाग्री वितरण गर्दै आइरहेको छ ।