धरान । श्रावण महिनाको हरेक सोमबार रोट्रयाक्ट क्लब अफ धरान घोपाले रोटरी क्लब अफ धरानसँग सहकार्य गरेर निः शुल्क स्वास्थ्य सेवा प्रदान गर्दै आएको छ ।
शिविरमा निःशुल्क सामान्य परीक्षण, निःशुल्क बीपी जाँच, निःशुल्क प्राथमिक उपचार र निःशुल्क आवश्यक औषधि उपलब्ध गराएको क्लबले जानकारी दिएको छ ।
सप्तकोशीबाट जल ल्याई पिण्डेश्वर मन्दिरमा चढाउन आएका भक्तजनहरुको सेवाका लागि क्लबले पिण्डेश्वर स्वास्थ्य शिविर राखेको छ । क्लबले जल चढाउन भक्तजनहरुको स्वाथ्यमा कमजोर देखिएमा जीवनजल, खाली खुट्टा पैदल हिडेर आएकाहरुका घाउ चोट लागेमा प्राथमिक उपचार र दुखाई कम गर्न पेनकिलर निःशुल्क वितरण गर्ने गरेको छ ।
शिवरमा डा. दीपेन्द्र यादव, रोटरियन. राजु विक, अन्जल शाह, जयप्रकाश, . प्रशान्त सापकोटा, भानु न्यौपाने, प्रगति रोका लगायतले सेवा पु¥याउदै आएका छन् ।