_1693980289.gif "#")
धरान । फुटबल खेलको लोकप्रियता संसारमै बढ्दै जादा नेपालमा समेत यो खेलको विकास हुदै गएको छ । त्यसमा पनि धरानलाई फुटबल खेलको मिनी ब्राजिलको रुपमा लिइने गरिएको छ । मोफसलकै ठूलो प्रतियोगिता बुढासुब्बा गोल्डकप प्रतियोगिता २९ बर्ष अगाडिदेखि निरन्तर हुदै आएको छ ।
तर पछिल्लो समय खेल मैदान अभावका कारण खेलाडीहरुले अभ्यास गर्ने ठाउको अभाव हुन थालेको छ । बढ्दो सहरीकरसँगे पछिल्लो समय फुटबलको विकल्पको फुटसल प्रतियोगिता हुन थालेका छन् । थोरै ठाउँमा खेल्न सकिने भएकोले पनि पछिल्लो समय खेलप्रेमीहरु यसतर्फ आकर्षित बनेका हुन् ।
धरानमा ८ देखि १० वटा फुट्सलहरु रहेका छन् । उनीहरुले दैनिक फुटबल खेलको गतिविधि गरिहेका हुन्छन् । पछिल्लो समय मितेरी स्पोर्ट्स सेन्टरले खेलकुद सबैका लागि भन्ने मुल नाराका साथ फुटसल प्रतियोगिताको आयोजना गर्ने भएको छ ।
धरान ११ स्थित मितेरी स्पोट्स सेन्टरमा यही असार १४, १५ र १६ गते बि क्याटोगोरी फुटसल प्रतियोगिता गर्न लागेको हो । सेन्टरले पत्रकार सम्मेलन गर्दै बि क्याटोगोरीका खेलाडीहरुलाई अवसर दिने उद्देश्यले प्रतियोगिता आयोजना हुन लागेको सञ्चालक लुकेन्द्र राईले जानकारी दिए ।
क्याटोगरी नछुट्याइ खेल आयोजना गर्दा उत्कृष्ट खेलाडीहरुले मात्र अवसर पाउने हुनाले अन्य खेलाडीहरुलाई पनि अवसर दिने आफ्नो उद्देश्य रहेको उनको भनाई थियो । प्रतियोगितामा प्रदेश नं १ को खेलाडीहरु सहभागी हुने राईले बताए । प्रतियोगितामा गत बर्ष फुटसल राष्ट्रिय लिग ए डिभिजन नखेलेका खेलाडीहरु सहभागी हुन पाउनेछन् । तर लिग खेलेका २ जना मात्र खेलाडीहरु प्रतियोगितामा एउटा टिमबाट सहभागी हुन पाउने आयोजकको भनाई छ । कम्तीमा ३० वटा टिम सहभागी हुने उनले जानकारी दिनुभयो ।
प्रतियोगितको विजेताले नगद ५० हजार र उपविजेताले २५ हजार पुरस्कार पाउनेछ । व्यक्तिगततर्फ उत्कृष्ट खेलाडी, उत्कृष्ट गोलकिपर र उत्कृष्ट नव खेलाडीलाई पनि पुरस्कार दिइने राईको भनाइृ छ । प्रतियोगिताको विजेताले ५० हजार, उपविजेताले २५ हजार नगद ट्रफी र प्रमाणपत्र पाउनेछन् ।
