धरान । धरानस्थित बीपी कोइराला स्वास्थ्य विज्ञान प्रतिष्ठानले विरामीको सुविधालाई ध्यानमा राखेर ३० बेडमा आइसियु जाडन गर्ने भएको छ ।
नेपाल सरकारको सहयोगमा आइसिुयलाई चाहिने सामाग्री सहितको सुविधासम्पन्न बेड रहने प्रतिष्ठानले जनाएको छ । दिनप्रतिदिन विरामीको चाप बढ्दै जाँदा आइसियुको अभावमा विरामीहरु तड्पिनु बाध्यता अब हटेर गएको छ ।
प्रतिष्ठानमा भएको कुल वेड संख्याको अनुपातमो आइसियु बेडहरुको संख्यामा वृद्धिका लागि प्रतिष्ठानले पहल गर्दै आएको थियो । लामो समयदेखि विरामी तथा विरामीको आफन्तले गुनासो पोख्दै आएकाले सरकारलाई अनुरोध गरेर आइसियु थप गरेको प्रतिष्ठानका सह प्रवक्ता डा. चुरामणि पोख्रेलले जनाए ।
प्रदेश नं. १ मै उत्कृष्ट स्वास्थ्य क्षेत्रको रुपमा रहेको प्रतिष्ठानमा प्रदेश १ र २ लगायत छिमेकी मुलुकबाट पनि उपचारका लागि आउने गरेका छन् । हजारौ विरामी उपचारका लागि आउने गरेका छन् । रिफरल सेन्टर समेत रहेको प्रतिष्ठानमा अन्य अस्पतालबाट समेत विरामी रिफर गरेर उपचारका लागि आउने गरेका छन् । तर प्रतिष्ठानमा सिकिस्त विरामीकालागि चाहिने आइसियुको अभावमा विरामीले अनाहमा ज्यान गुमाउनु परेको घट्ना पनि सार्वजनिक हुदै आएका छन् । यसैलाई मध्यनजर गरी नेपाल सरकारको सहयोगमा सुविधा सम्पन्न ३० बेडको आइसियु जडान गर्न लागिएको प्रतिष्ठानका सहप्रवक्ता डा. पोख्रेलले बताए । आइसियु वार्डमा चाहिने खरिद सामाग्रीको विषयमा पछिल्लो समय प्रकाशित भएका अनर्गल समाचारप्रति पनि प्रतिष्ठानले स्पष्ट पारेको छ ।