धरान । धरानमा असार १ गतदेखि कोरोना विरुद्धको बुस्टर डोजको खोप लगाइने भएको छ ।
धरान उपमहानगरपालिका स्वास्थ्य महाशाखाल दिएको जानकारी अनुसार १२ बर्ष उमेर समुहदेखि माथिका उमेरका दोस्रो खोप लगाएको तीन महिना पूरा भएकाले मात्रै बुस्टर डोज खोप लगाइने भएको हो ।
असार ५ गनेसम्म सञ्चालन हुने खोप अभियान धरानभरि विभिन्न स्थान गरी १४ स्थानबाट सञ्चालन गरिने स्वास्थ्य महाशाखाका प्रमुख उमेश मेहताले जानकारी दिए ।
तोकिएको खोप केन्द्रमा बिहान १० बजे देखि साझ ४ बजे सम्म खोप लगाउन सकिने उनले बताए । खोप लगाउन जानेले अनिवार्य दोस्रो पल्ट लगाएको खोप कार्ड भएमात्र बुस्टर खोप लगाउन पाइने बताएको छ । अहिले सम्म कुनै पनि कोरानको खोप नलगाएकाले पनि पहिलो मात्राको रुपमा यो खोप लगाउन मिल्ने धरान उपनगरपालिका स्वास्थ्य माहाशाखा प्रमुख मेहेताले बताए । धरानमा अहिले कोराना बिरुद्ध पहिलो , दोस्रो र बुस्टर डोज गरी हालसम्म करिब ११ हजारले लगाईसकेको स्वास्थ महाशाखाले जनाएको छे छ । पाँच दिनसम्म सञ्चालन गरिने खोप अभियानमा ३० हजार जनालाई पहिलो ,दोस्रो र बुस्टर डोज खोप लगाईने लक्ष्य रहेको महाशखा प्रमुख मेहेताले बताएका छन् ।