मधु निरौलाको सान्दार “कमब्याक” जोसँग ६ मतले हारे उनैलाई ३ सय ६५ले हराए

झापाः झापाको मेचीनगर नगरपालिका १२ नं. वडाको अन्तिम मत परिणाम सार्वजनिक भएसकेकोे छ । ७४ को स्थानीय तह निर्वाचनमा जोसँग ६ मतान्तरले मधु निरौलाले पराजय भोगे उनै नरेन्द्र धिमाललाई ३ सय ६५ मतान्तरले पछि पार्दै निरौला विजयी भएका हुन् ।

७४ को स्थानीयतह निर्वाचनमा झिनो मतान्तरले पराजय भोगेका निरौलाले ७९ को निर्वाचनमा सान्दार विजयी प्राप्त गरेका छन् । सो वडामा नेकपा एमालेको प्यानलै विजयी भएका छन् ।
एमालेका निरौलाले १ हजार ४ सय ६६ मत प्राप्त गर्दा उनका निकटतम प्रतिद्वन्दी नरेन्द्र धिमालले १ हजार १ सय १ मत प्राप्त गरे ।

जम्मा १५ वटा वडा रहेको मेचिनगरमा हालसम्म ८ वटा वडामा नेकपा एमाले विजयी बनेको छ भने नेपाली कांग्रेस र माओवादीले एक एक वडा विजयी हासिल गरेका छन् ।