धरान । तीन दिन अगाडि मतगणना सम्पन्न भएपनि विवादका कारण सार्वजनिक हुन नसकेको धरान २० अन्तिम मत परिणाम शनिवार सार्वजनिक गरिएको छ ।
विवादपछि सर्वपक्षीय छलफललले पुनः गणना गर्ने सहमति भएपछि गणना भएको थियो । पुन गणना हुदा पनि वडाध्यक्षमा पदम बहादुर लिम्बु विजय भएको निर्वाचन अधिकृतका कार्यालय धरानले सार्वजनिक गरेको हो ।
लिम्बुले ६०४ मत प्राप्त गरेका छन् । उनका निकटतम प्रतिद्धन्दी नेकपा माओवादी केन्द्रका विजय लामा तामाङले ५९६ मत प्राप्त गरेका छन् । यसैगरी एमालेका वडाअध्यक्षमा उमेद्वार महासेर राई ५८० मत प्राप्त गरेका छन् ।
वडा सदस्य, महिला सदस्य तथा दलित महिला सदस्यमा भने मिश्रित परिणाम आएको छ । महिला सदस्यमा एमालेबाट पञ्चमी राई ६२४ मत प्राप्त गर्दै निर्वाचित हुदा दलित महिला सदस्यमा नेपाली कांग्रेसबाट रमा बिक ६१३ ल्याएर निर्वँचितभएकी छन । खुला सदस्यमा कांग्रेसबाट कांग्रेसबाट विजयी भएका छन् काग्रेसका तर्फबाट खुल्ला सदस्यका उमेद्वार रहेका देवेन्द्र राई ६१४ र रामबहादुर राई ६५७ मत प्राप्त गर्दै विजयी भएका हुन् ।
यस अघि १८ वटा मतपत्रमा मतदान अधिकृतको दस्ताखत नभएको भेटिएपछि नेपाली कांग्रेस र माओवादी केन्द्रबीच चर्को विवाद भएको थियो । हस्ताक्षर नभएको मतपत्रलाई बदर गर्दै पुन: मत गणना गरिएको थियो । पुनः मतगणना गर्दा पनि थप ३ वटा मतपत्र दस्तखत विनाको भेटिएको थियो ।