धरान । वैसाख ३० हुने स्थानीय तहको निर्वाचनलाई लक्षित गरी नेपाल भारत सीमानाका शिल गरिनुपूर्व भारतमा बसोबास गरेका नेपालीहरु ध्माधम नेपाल भित्रिएका छन् ।
वैसाख ३० गते शुक्रबार हुने स्थानीय तह निर्वाचनलाई लक्षित गरी मंगलबार मध्यरातिदेखि भारतसँगको खुला नाका ७२ घण्टाका लागि सिल गरिएको छ । नाका ठप्प हुदा सर्वसाधारणले सास्ती व्यहोर्नु परेको छ । नेपाल–भारत सीमा सहर काँकडभिट्टा नाकामा बिहीबार अपराह्नसम्म भारतबाट आउने यात्रु र भारततिर जाने यात्रु तथा सर्वसाधारणको बाक्लो भीड लाग्यो ।
चुनावबाट हुने अवाञ्छित गतिविधिलाई राक्ने नेपाल भारत दुवै देशको प्रशासनले पश्चिमम बंगाल र विहारसम्मको नाका ७२ घण्टा सिल गरेको हो ।
मोरङ प्रहरीका अनुसार बिहीबार करिब ४ हजार प्रवासी नेपाली यो नाकाबाट प्रवेश गरेका छन् । एक हजारभन्दा बढीत भारतीय पारि गएका छन् । प्रहरीका अनुसार भारतबाट आउने अधिकांश नेपाली मतदाता छन् भने भारत जानेमा सेनाका जागिरे, विद्यार्थीलगाययत छन् । धेरैजसो भारतीयहरु घर फर्किएका छन् । इलाका प्रहरी कार्यालय काँकडभिट्टाका डिएसपी ज्ञानकुमार महतोले नेपाली परिचयपत्र वाहक यात्रुहरुलाई मात्रै प्रवेश गर्न दिइएको बताए । उनले भने ‘नेपाल आउनेलाई नेपाली नागरिकता तथा परिचय खुल्ने कागजातका आधारमा प्रवेश गर्न दिइएको छ’ भारततिर जानेलाई त्यतैको परिचय पत्रका आधारमा पठाइएको छ । ’प्रशासनले खासगरी भारतवाट आउने यात्रुलाई विशेष निगरानी गरेको छ । नाका बन्दका कारण मेची भन्सार र भद्रपुर भन्सार कार्यालयको आयात निर्यातसमेत ठप्प छ । नेपाली तथा भारतीय बजारसमेत निर्वाचनका कारण सुनसान छन् ।
मोरङका प्रजिअ काशीराज दाकालले चुनावका समयमा अवाञ्छित गतिविधि हुन नदिन नेपाल र भारतसीमानाका शिल गरिएको बताए । उनले भने–‘यस बीचमा चुनावलाई शान्तिपूर्ण ढंगमा सम्पन्न गर्नकै लागि नाकाहरु ीशल गरिएको हो ।