_1693980289.gif "#")
धरान । मुलुक संघीयता आएसँगै स्थानीय तहले स्थानीय स्तरको अधिकार प्रयोग गर्ने गरेको छ । यही अधिकार प्रयोग गरेर भोजपुरको एक गाउपालिकाले सुत्केरी महिलाको लागि महत्वपूर्ण कार्यक्रम अगाडि सारेको छ ।
भोजपुर पौवादुङमा गाउपालिकाले सुत्केरी महिला र बच्चाको स्वाथइलाई मध्य नजर गर्दै ‘रातो भाले’ तथा ‘सुत्केरी पूर्व खुत्रुके’ बचतको कार्यक्रम सञ्चालनमा ल्याएको छ ।
गर्भवती महिलालाई लक्षित गरेर मौवादुङमा गाउपालिकाभित्रका सबै वडामा लागू गरिएको बताइएको छ । यसले स्थानीय स्तरमा सरकारको आभाष भएको महसुस भएको स्थानीयहरु बताउछन् । उनीहरुले सञ्चालनमा आएको यो कार्यक्रम स्थानीय महिलाहरुको सहारा बनेको बताउने गरेका छन् ।
नगरपालिकाको यो कार्यक्रमबाट गाउपालिकाभित्र रहेका महिलालाई राहत मिलेको वडाध्यक्षहरुले नै बताउने गरेका छन् । मौवादुङमा गाउपालका वडा नं. ६ का वडाध्यक्ष दिपक साम्पाङ«ले कार्यक्रम लोकप्रियसँगै महिलाहरुको प्रजनन सुरक्षामा थप बल मिलेको् बताए । उनले भने–‘स्थानीय जनताको स्वास्थ्यलाई ध्यानमा राखेर स्वास्थ्य सम्वन्धी विभिन्न कार्यक्रम सञ्चालनमा ल्याएका छौँ, जुन कार्यक्रम अहिले जनता माझ लोकप्रिय बनेका बनेको मात्र छैन, प्रभावकारी कार्यक्रम समेत बनेको छ ।’
उनले खुत्रुके बचत कार्यक्रम आफ्नो वडाबाट शुरु गरेको दाबी गरे । उनले भने–खुत्रुके बचत कार्यक्रम मेरै वडाबाट शुरु भएको हो, स्वास्थ्य सस्थामा सुत्केरी भएवापत वडा कार्यालयले सुत्केरी महिलाको बैंक खातामा दुई हजार रुपैया जम्मा गरिदिन्छ ।’
