निशा र प्रतिष्ठा बने बालिका स्टार

धरान । धरान–१६ स्थित शारदा बालिका नमुना मा.बि.मा रहेको ज्योतिपुन्ज बाल क्लबले सोमबार आयोजना गरेको १६ नम्बर वडा ब्यापि बालिका स्टार, सिजन–२ को गायनतर्फ निशा तामाङ र नृत्य तर्फ प्रतिष्ठा राई प्रथम बनेका छन् ।

बिद्यालय परिषरमा भएको प्रतियोगीतामा गायन तर्फ सियोन स्कुलकी छात्रा सजिना राई दोश्रो भईन भने सोनिया मुर्मु तेश्रो भईन । यता नृत्य तर्फ अनिसा थापा मगर र निर्मा राई क्रमशः दोश्रो र तेश्रो भए । बालिका स्टारकै अवसरमा भएको कविता प्रतियोगीतामा अनुस्का राई पहिलो भईन । सृष्टि लुइटेल र सोनिया राई क्रमशः दोश्रो र तेश्रो भए । त्यस्तै लघु कथा वाचन प्रतियोगीतामा तुलसा राई पहिलो भईन । सन्ध्या राई र रेजिना लामिछाने क्रमशः दोश्रो र तेश्रो भए । प्रतियोगीतामा पहिलो, दोश्रो र तेश्रो हुनेलाई बिद्यालयका प्रधानाध्यापक इन्द्र बहादुर राई, बिद्यालय ब्यबस्थापन समितिका अध्यक्ष केशब श्रेष्ठ, शिक्षक अभिभावक संघका अध्यक्ष कुमार बाजे आङ्बुहाङ लगायतले ट्रफी र प्रमाण–पत्र प्रदान गरे ।

गायनतर्फको निर्णायकमा गायक एबम पुर्वाञ्चल बागिना कलाकेन्द्र धरानका अध्यक्ष भक्तिराज राई र गायक दिपेस राई थिए । नृत्यतर्फको निर्णायकमा नृत्य प्रशिक्षक रेसु धमला र जीना राई थिए । त्यस्तै कविता र लघु कथा वाचनको निर्णायकमा बिद्यालयका शिक्षिकाद्वय तारा बराल र गङ्गा वन थिए । प्रतियोगीतामा १६ नम्बर वडामा रहेका सियोन स्कुल, चन्द्र सन्स्कृत मा.बि., भगवति आधारभुत बिद्यालय र शारदा बालिका गरि ४ वटा बिद्यालयले सहभागीता रहेको बिद्यालयका प्रधानाध्यापक राईले जानकारी दिए ।

प्रतियोगीतामा गायनतर्फ १९ जना, नृत्य तर्फ १३ जना, कविता वाचनमा ११ जना र लघु कथा वाचनमा ९ जना सहभागी भएको आयोजकले सहभागिता जनाएका थिए ।
यसै अवसरमा बिद्यार्थीहरुको गायन प्रतिभा उजागर गर्न योगदान पुर्याए बापत गायक एबम संगितकार भिषन अधिकारीलाई सम्मान गरिएको छ । त्यसै गरि अभिभावक तर्फ छात्रा तुलसा राईको अभिभावक भेष कुमारी राईलाई पनि सम्मान गरिएको छ ।

गायतर्फका बिजेता निशा तामाङ्लाई पुर्वाञ्चल सिङ्गिङ स्टार सिजन–९ को उत्कृष्ट–२० मा सिधै प्रबेस गराईने निर्णायक पुर्वान्चल बागिना कलाकेन्द्रका अध्यक्ष भक्तिराज राईले घोषणा गरे ।