धरान/ दोस्रो वडाअध्यक्ष कप फुटबल प्रतियोगितामा टिडब्लूवाइसी क्लब फाइनलमा पुगेको छ ।
विराटनगर १७ स्थित खेल मैदानमा बुधबार भएको खेलमा मिल्स यूथ क्लब लाई २–१ गोलले हराउँदै टिडब्लूवाइसी फाइनलमा पुगेको हो ।
जितको लागि टिडब्लूवाइसीका विरेन्द्र लिम्बुले गोल गरेका थिए । एक गोल आत्मघाती भयो । मिल्स यूथ क्लबका सुमन तामाङले डिबक्सभित्रबाट हेड गरेको बल आत्मघाती गोल भएको थियो ।
मिल्सको तर्फबाट नविन मगरले सान्तवना गोल फर्काए । खेलको म्यान अफ द म्याच टिडब्लूवाइसीका विरेन्द्र लिम्बु घोषित भए ।
आज विराट बुद्ध फुटबल क्लब र मिल्स भेट्रान्स क्बल बिच प्रतिस्पर्धा हुनेछ । माघ ८ गते हुने फाइनलमा बिजेताले नगद ३५ हजार र उपबिजेताले २५ हजार रुपैयाँको साथै ट्रफि प्राप्त गर्नेछन् ।
