बास्केटबल प्रतियोगितामा एम्सको ह्याट्रिक

धरान/ उच्च शिक्षा तथा माध्यमिक विद्यालय सङ्घ (हिसान) ले आयोजना गर्ने ‘हिसान स्पोर्ट्स मिट’ अन्तर्गत बास्केटबल प्रतियोगितामा छात्रतर्पm धरानको एम्स एकेडेमीले ह्याट्रिक गरेको छ । छात्रातर्पm भने यसपटक धरान आदर्शले उपाधि उचालेको छ ।

छात्रतर्फ शनिबार भएको अन्तिम प्रतिस्पर्धामा एम्सले जित हात पारेको हो । एम्सले लगातार तेस्रोपटक छात्रतर्पm बास्केटबलको उपाधि जितेको हो । डिपोट स्कुलको बास्केटबल कोर्टमा भएको खेलमा एम्स र धरान मेघा कलेज (हिमालयन स्कुल) बीच कडा प्रतिस्पर्धा भएको थियो । सो प्रतियोगितामा ३१–२६ स्कोरको अन्तरमा एम्सले जित निकालेको हो ।

प्रतियोगितामा मेघाले दोस्रो स्थान प्राप्त गरेको छ । प्रतियोगितामा छात्रतर्पm उत्कृष्ट खेलाडी र सर्वाधिक व्यक्तिगत स्कोरर एम्सका निशान तामाङ भए भने उदीयमान खेलाडीका रूपमा धरान आदर्शका सौगात मगर पुरस्कृत भए ।

यसैगरी छात्रा बास्केटबलमा उत्कृष्ट खेलाडीको उपाधि धरान आदर्शकी मलिका राईले प्राप्त गरिन् भने सर्वाधिक स्कोरकर्ता धरान आदर्शकै निरुता राई भइन् । यस्तै, उदीयमान खेलाडीका रूपमा विष्णु स्कुलकी रोशिका राई पुरस्कृत भइन् । प्रतियोगितामा छात्रतर्पm ९ र छात्रातर्पm ४ टिमले भाग लिएका थिए ।

विजेता तथा उपवजेता टिम र खेलाडीहरूले ट्रफी, मेडल र प्रमाणपत्र प्राप्त । प्रमुख अतिथि एवम् हिसान सुनसरीका अध्यक्ष मुकुन्द घिमिरे, धरान–१८ का वडाध्यक्ष प्रवीण राई, नेपाल बास्केटबल सङ्घका केन्द्रीय उपाध्यक्ष सुरज लामा, हिसानका सचिव एवम् स्पोटर््स मिटका संयोजक सागर भट्टराईलगायतले ट्रफी, मेडल र प्रमाणपत्र वितरण गरेका थिए ।