बाँझो जमीन: भयावह भविष्यको सङ्केत

  • पुष ७, २०७८
  • कोशीपत्र/संवाददाता
alt

पहाडी क्षेत्रमा ठूलो मात्रामा कृषियोग्य जमीन बाँझो रहेको देखिएको छ । त्यसो त यो समस्या पहाडी क्षेत्रमा मात्र होइन, मेचीदेखि महाकालीसम्मै छ । त्यै पनि तराईमा भने ठूलो मात्रामा जमीन बाँझो राख्ने समस्या छैन । पहाडका अधिकांश जिल्लामा भने जग्गा बाँझो राख्ने निकै ठूलो समस्या छ । यो सुखद् अवस्था होइन । हरेक पहाडी जिल्लामा २० देखि ४० प्रतिशतसम्म कृषियोग्य निजी जमीन बाँझो छाडिएको बताइन्छ । देशभरिमा कति जमीन बाँझो भनेर व्यवस्थित अध्ययन नभएको हुँदा यसबारे आधिकारिक तथ्याङ्क त छैन तर पहाडी क्षेत्रमा २५ देखि ४० प्रतिशतसम्म कृषियोग्य जमीन बाँझो रहेको जानकारहरूले बताउने गरेका छन् । कतिपय सरकारी जमीन पनि बाँभैm राखिएको पाइन्छ ।

नेपाली युवाको आकर्षण वैदेशिक रोजगारमा हुन थालेपछि कृषियोग्य जमीन बाँझो हुन थालेका हुन् । युवाहरू वैदेशिक रोजगारमा जान थालेपछि कृषि क्षेत्रमा काम गर्ने जनशक्तिको अभाव भएका कारण यस्तो अवस्था आएको स्पष्ट छ । अधिकांश युवा विदेश जाने र विदेश नजानेहरू पनि गाउँबाट शहरतिर सर्न थालेपछि ग्रामीण क्षेत्रमा कृषि क्षेत्र उपेक्षित हुन थालेको छ । जनशक्तिको अभावसँगै जङ्गली जनावरहरूले पनि दुःख दिन थालेपछि कृषिमा आकर्षण घट्न थालेको देखिन्छ । बजार र उचित मूल्यको अभावले गर्दा पनि कृषिमा समस्या देखिएको हो ।

यो निकै भयावह अवस्था हो । यसले भविष्यमा पर्यावरण र खाद्य सन्तुलन दुवै क्षेत्रमा असर पुग्ने सम्भावना छ । यो समस्या समाधान गर्न बेलैमा ध्यान नपु¥याउने हो भने यसले भयावह समस्या निम्त्याउने देखिन्छ । यसका लागि नीतगत रूपमै केही ठोस कदम चाल्नु आवश्यक छ । युवा जनशक्तिलाई विदेश जानबाट रोक्न सक्नुपर्छ । यसका साथै जङ्गली जनावरको व्यवस्थापन पनि प्राथमिकतामा पर्नुपर्छ । सबै शहरी क्षेत्रमै जाने र गाउँ रित्तो हुँदै जाने हो भने यसले निम्त्याउने जनसाङ्ख्यिक असन्तुलनले पनि थप समस्या सिर्जना गर्न सक्ने यथार्थलाई उपेक्षा गर्नु हुँदैन ।

सरकारको ध्यान यसतर्पm बेलैमा जानुपर्छ । जग्गा बाँझो राख्ने प्रवृत्ति बढ्दै गएमा यसले पार्ने सामाजिक र आर्थिक प्रभाव दीर्घकालीन हुन्छ । सबै जग्गामा खेती गर्दा बेरोजगारी समस्या पनि केही कम गर्न सकिन्छ । कृषिमा आत्मनिर्भरताका लागि पनि कृषियोग्य जमीन बाँझो राख्नु घातक छ । त्यस कारण खाद्य आपूर्ति र विदेशी मुद्राको सञ्चिति बढाउन पनि कृषियोग्य जमीनको सदुपयोग आवश्यक छ । यसका लागि सबैको भूमिका आवश्यक छ ।

विजयपुर अध्यात्मीक म ...

धरान/ सामाजिक संंस्कार भड्किलो बन्दै गएको महशुष गर ...

धरान किड्जीलाई अनुमत ...

धरान/  वीपी कोइराला स्वास्थ्य विज्ञान प्रतिष् ...

‘कुम्भ स्नान पछि पिण ...

धरान/  प्रत्येक १२ वर्षमा लाग्ने पुर्ण कुम्भ ...

धरानको कार्यपालिका ब ...

धरान /मेयर हर्कराज राईले एकलौटी गरेको निर्णयलाई का ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: गोबिन्द बस्नेत / प्रबन्ध निर्देशक: योगेशबाबु काफ्ले

Copyright © 2019 / 2024 - Koshipatra.com All rights reserved