नेपालमा पनि भेटियो कोरोनाको नयाँ भेरियन्ट ओमिक्रोन

धरान/ अफ्रिकी मुलुकमा तीब्र रुपमा फैलिएको कोरोनाको नयाँ भेरियन्ट नेपालमा पनि देखा परेको छ । सोमबार स्वास्थ्य तथा जनंसंख्या मन्त्रालयले नेपालमा २ जनामा संक्रमण पुष्टि भएको जनाएको छ । मन्त्रालयले सोमबार दिउँसो १ विज्ञप्ती जारी गर्दै नेपालमा २ जनामा संक्रमण पुष्टि भएको बताएको हो ।

मन्त्रालयका अनुुसार मंसिर ३ गते संक्रमण फैलिएको देश हुदैँ नेपाल आएका ६६ वर्षीय एक विदेशी नागरीकमा संक्रमण पुष्टि भएको हो । नेपाल आएका ती वीदेशी नागरीक र उनको सम्र्पकमा आएका ७१ वर्षीय व्यक्तीको गत मंसिर ७ स्वास्थ्यमा समस्या आएपछि परीक्षण गर्दा संक्रमण पुष्टि भएको थियो ।

उनिहरुको नमुना राष्ट्रिय जनस्वास्थ्य प्रयोगशाला टेकुमा थप परीक्ष गर्दा १९ गते राति आइतबार नयाँ भोरियन्टको संक्रमण पुष्टि भएको थियो । त्यस्तै, संक्रमित व्यक्तीको सम्र्पकमा आएका ६६ जनाको पीसीआर परीक्षण गर्दा संक्रमण नदेखिएको स्वास्थ्य मन्त्रालयले जनाएको छ । यो भेरियन्ट पहिलाको तुलानामा बढी फैलन सक्ने विषशज्ञहरुले बताउदै आएका छन् । नेपालको छिमेकी राष्ट्र भारतमा पनि यसको संक्रमण दर बढीरहेकाले नेपालमा विषेश सर्तकता अपनाउनु पर्ने विषशज्ञहरुले चेतावनी दिदै आएका छन् ।