_1693980289.gif "#")
झापा/ बिर्तामोड नगरपालिका–५ स्थित सुनगाभा इङ्लिस स्कुलका एक शिक्षकले निर्वाध रुपमा विद्यार्थी कुटेको विषयमा अभिभावकहरु आक्रोसित बनेका छन् ।
शिक्षक विकास पोखरेल विरुद्ध अभिभावकहरु आक्रोसित बन्दै निष्कासन सँगै कार्वाही गर्नुपर्ने माग राखेका छन् । पोखरेलले कक्षा ३ मा अध्ययनरत ९ वर्षीय अविरल तिम्सिनालाई बुधवार कक्षा कोठामा कुटपिट गरेका थिए ।
पढाएको विषयमा ध्यान नदिएको र सोध्दा केही नआएको भन्दै आफूलाई निर्वाध रुपमा कुटपिट गरेको पीडित विद्यार्थी तिम्सिनाले बताए । उनले भने, ‘सरले मलाई पढाएको कुरा सोध्नुभयो, नआएपछि जथाभावि कुट्नुभयो ।’ उनका अनुसार सरले छडीले खुट्टा, ढाँड र गालामा पटक पटक कुटपिट गरेका थिए । कुटाइबाट उनको खुट्टामा नीलडाम बसेका छन् । शिक्षकले कुटपिट गरेपछि अभिभावकसहित स्थानीयवासी बिहीवार विद्यालय पुगेका थिए ।
तर अभिभावकसहित स्थानीय विद्यालय पुग्नु अघि नै विद्यालयले शिक्षकलाई त्यहाँबाट भगाइसकेको अभिभावहरुले बताएका छन् । विद्यार्थीलाई कुटपिट गर्ने शिक्षकले माफी माग्नु पर्ने र त्यसपछि मात्र कानुनी कारबाही अघि बढाउने उनीहरूको भनाई छ । पीडितकी आमा अञ्जना तिम्सिनाले छोरालाई कुटपिट गर्ने शिक्षकलाई कडाभन्दा कडा कार्वाही हुनुपर्ने बताइन् ।
